Ystyried ‘her gyfreithiol’ am hepgor gwasanaeth meddygol Cymraeg

Diweddarwyd  


Mae ymgyrchwyr iaith yn ystyried herio penderfyniad Llywodraeth Cymru i eithrio meddygfeydd a gwasanaethau gofal sylfaenol rhag ymrwymo i ddarparu gwasanaeth Cymraeg.

Ac mewn llythyr at Weinidog y Gymraeg, Alun Davies, mae Cymdeithas yr Iaith yn rhybuddio y gallai fod her gyfreithiol i’w penderfyniad.

“Yn lle cryfhau hawliau pobl i’r Gymraeg wrth ymwneud â’u meddygfa leol a gwasanaethau gofal sylfaenol eraill, mae’ch rheoliadau yn gadael pobl ar lawr gwlad mewn sefyllfa hollol anobeithiol pan ddaw hi at ddelio â rheng flaen y gwasanaeth iechyd,” meddai Manon Elin ar ran Cymdeithas yr Iaith.

‘Diffyg darpariaeth’

Esbonia fod adroddiadau Comisiynydd y Gymraeg, Meri Huws, yn amlygu “diffyg darpariaeth” o ran y Gymraeg mewn meddygfeydd a gwasanaethau gofal sylfaenol a bod hynny yn eu “brawychu.”

Roedd ei hadroddiad felly’n nodi ei bod yn “hanfodol” i’r gwasanaethau ddarparu gwasanaeth yn y Gymraeg.

“Mae pobl yn defnyddio’r gwasanaeth iechyd pan maent ar eu mwyaf bregus, felly mae’n hanfodol bwysig eu bod yn medru cyfathrebu yn yr iaith maent yn teimlo’n fwyaf cyfforddus yn ei siarad,” meddai Manon Elin.

Ymgynghoriad

Mae’r Gymdeithas hefyd yn annog pobl i ymateb i ymgynghoriad Llywodraeth Cymru o ran y safonau iaith sy’n cau ar 14 Hydref 2016.

“Mae’r ymgynghoriad yn un a fydd yn effeithio ar filoedd ar filoedd o bobl, yn eu plith y bobl fwyaf bregus yn ein cymdeithas,” meddai Manon Elin.

“Byddwn yn ystyried pob opsiwn sydd gyda ni felly, er mwyn sicrhau bod gan bobl hawliau cadarn a chyflawn yn y maes hollbwysig hwn.”

‘Croesawu ymatebion’

Mewn ymateb i rybudd Cymdeithas yr Iaith heddiw, dywedodd llefarydd ar ran Llywodraeth Cymru: “Mae’r ymgynghoriad ar agor tan 14 Hydref, ac rydym yn croesawu pob ymateb.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd