Tynnu cais parc siopa Cross Hands yn ôl

Diweddarwyd am  


Fe gafodd dau gynnig i adeiladu datblygiad manwerthu yn Cross Hands a oedd i fod i gael eu hystyried gan bwyllgor cynllunio Sir Gaerfyrddin ddydd Gwener (Gorffennaf 22) eu tynnu’n ôl gan swyddogion ar ddechrau’r cyfarfod er mwyn ystyried gwrthwynebiad hwyr a chyfraith achosion newydd.

Roedd disgwyl i’r pwyllgor cynllunio drafod cais gan Conygar Cross Hands Ltd am barc manwerthu ar dir yng ngorllewin Cross Hands a oedd eisoes wedi cael ei ohirio o gyfarfod blaenorol ar ôl ymyrraeth munud olaf gan y Co-op.

Mae cynlluniau Conygar yn ymwneud â’r safle lle roedd Sainsbury’s wedi bwriadu adeiladu archfarchnad. Mae caniatâd ar gyfer archfarchnad a gorsaf betrol yn bodoli eisoes.

Yn ogystal roedd y Pwyllgor i fod i ystyried cais gan Leekes am siop ochr yn ochr â siop Leekes yn Heol Stanllyd, Cross Hands, ond heriwyd y cais hwn gan Conygar.

Dywedodd Llinos Quelch, Pennaeth Cynllunio y Cyngor: “Daeth her hwyr i law yr wythnos hon gan Conygar mewn perthynas â chais Leekes ac a oedd diffygion o ran yr asesiad o safleoedd amgen. Mae’r her yn cyfeirio at y gyfraith achosion a gyhoeddwyd yn yr wythnos neu ddwy ddiwethaf.

“Mae angen cynnal asesiad pellach ac felly mae angen gohirio’r mater ac mae’r cais wedi cael ei dynnu’n ôl o’r agenda.

“Yn ogystal mae’r her hwyr wedi codi cwestiynau ynghylch cais Conygar ac asesiad y cwmni o safleoedd amgen ac felly nid yw’r awdurdod cynllunio lleol mewn sefyllfa heddiw i gadarnhau bod yr asesiad yn un cadarn a bydd angen ailystyried y dystiolaeth a gyflwynwyd.

“Eto, mae angen gohirio trafod y mater ac mae’r cais wedi cael ei dynnu’n ôl o’r agenda ar gyfer heddiw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd