Gohirio cynlluniau parc manwerthu Sir Gâr

Diweddarwyd am  


Cyngor Sir Gâr
Mae Pwyllgor Cynllunio Cyngor Sir Gâr wedi gorfod gohirio eu hystyriaeth i gynlluniau i ddatblygu parc manwerthu yn Cross Hands oherwydd ymyrraeth gan gynrychiolwyr o gwmni’r Co-op.

Roedd disgwyl i’r pwyllgor drafod cais gan gwmni Conygar Cross Hands Cyfyngedig heddiw i adeiladu parc manwerthu yn Cross Hands.

Mae caniatâd eisoes yn bodoli ar y safle i ddatblygu archfarchnad a gorsaf betrol, ac roedd cwmni Sainsbury’s wedi mynegi diddordeb.

Ond, dywedodd Pennaeth Cynllunio’r Cyngor, Llinos Quelch, fod cais wedi dod gan gwmni’r Co-op am ddatblygiad pellach yn Cross Hands, a hynny ar ôl i’r adroddiad gael ei lunio.

Her gyfreithiol

 

Fe dderbyniodd y Cyngor lythyr gan ymgynghorwyr Co-op yn dweud eu bod yn gwrthwynebu pe byddai’r trafodaethau am y parc manwerthu yn mynd rhagddo heb ystyried y wybodaeth maen nhw’n ei gyflwyno.

Dywedodd Llinos Quelch y byddai’r wybodaeth wedi’i gynnwys gan y Cyngor pe byddai wedi cyrraedd cyn i’r adroddiad gael ei gwblhau.

Ond, fe rybuddiodd y cwmni y bydden nhw’n cyflwyno her gyfreithiol pe byddai’r trafodaethau wedi parhau, felly fe fu’n rhaid i’r Cyngor ohirio’r cais heddiw.

‘Cyrraedd ar y funud olaf’

“Mae’n siomedig fod yr ohebiaeth hon wedi cyrraedd ar y funud olaf gan godi’r posibilrwydd o her gyfreithiol pan oedd y datblygiad pwysig hwn yn Cross Hands yn barod i’w gyflwyno i’r pwyllgor,” meddai’r Cynghorydd Alun Lenny.

“Rydym yn disgwyl y bydd y cais hwn yn cael ei ailgyflwyno ger ein bron ymhen yr ychydig wythnosau nesaf,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd