Dau Gymro’n cofio cyfarfod Muhammad Ali

Diweddarwyd am  


Hywel Gwynfryn a Muhammad Ali yn 1966 (Llun o archif BBC Cymru)
Mae’r Cymry sydd wedi bod yn rhannu atgofion am gyfarfod y bocsiwr, Muhammad Ali, yn cynnwys darlledwr mwya’ profiadol Radio Cymru, a chyn-Ddirprwy Brif Weinidog Cymru.

Tra cafodd Hywel Gwynfryn gyfle i gyfweliad y pencampwr pwysau trwm ar gyfer y rhaglen Heddiw yn 1966, fe ddaeth y gwleidydd Ieuan Wyn Jones wyneb yn wyneb ag Ali yn ddiweddarach yn ei oes, yn 2008. Ac mae’r ddau wedi bod yn nodi hynny yn eu ffyrdd eu hunain heddiw.

Mae Hywel Gwynfryn, ar wefan Cymru Fyw, BBC Cymru, yn cofio mynd â chopi o gyfrol o gerddi T H Parry-Williams i’r cyfarfyddiad, a gofyn i Muhammad Ali os oedd o’n ymwybodol o’r bardd Cymraeg. Roedd Muhammad Ali ei hun yn hoffi trin geiriau – weithiau’n wamal ac yn gawslyd, ond dro arall yn gofiadwy – ac meddai am TH, “Hey, I know that guy!”

Ar wefan Facebook y cyhoeddodd Ieuan Wyn Jones, cyn-arweinydd Plaid Cymru a fu’n Ddirprwy Weinidog yn llywodraeth glymblaid Llafur-Plaid Cymru ym Mae Caerdydd, heddiw lun a gair o deyrnged i’r bocsiwr.

“Llun i’w drysori,” meddai dan y llun ohono ag Ali. “Cyfarfod y dyn ei hun yn 2008 a chael amser gwych yn ei gwmni.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones