IDS yn y gogs

Diweddarwyd  


Iain Duncan-Smith
Fe fydd Iain Duncan-Smith yn y gogledd heddiw i ddadlau fod gadael yr Undeb Ewropeaidd yn hwb i ddemocratiaeth yng Nghymru.

Bydd yn ymweld â harbwr Conwy, Llandudno a Bae Colwyn, gyda rali gyhoeddus yn cael ei chynnal yn Venue Cymru Llandudno heno.

Mae Iain Duncan-Smith yn dadlau fod gadael yr Undeb Ewropeaidd yn galluogi cymunedau i adennill grymoedd.

“O fewn tair wythnos fe fydd gan bobl Cymru un cyfle mewn cenhedlaeth i bleidleisio i adael yr Undeb Ewropeaidd a chymryd rheolaeth yn ôl,” meddai.

Mae’r Aelod Seneddol yn un o hoelion wyth yr ymgyrch swyddogol dros adael yr Undeb Ewropeaidd. Fe ymddiswyddodd yn ddiweddar o gabinet  David Cameron, yn dilyn ffrae ynghylch toriadau i’r Wladwriaeth Les.

Wrth drafod y refferendwm, dywed Iain Duncan-Smith:  “Mae’n gyfle i fynnu pŵer yn ôl yn nwylo cymunedau, ac i ddwylo gwleidyddion yr ydym yn eu dewis ac y gallwn eu taflu allan os ydym eisiau newid.

“Mae gormod o’n deddfau yn cael eu gwneud gan wleidyddion anetholedig o wledydd eraill, yn hytrach na gwleidyddion o Gymru, yn y Senedd Gymreig.

“Mae’r Undeb Ewropeaidd yn brosiect gwleidyddol ac os ydym yn aros, fe fydd y sefyllfa yn gwaethygu. Yn hytrach, fe ddylem gymryd trywydd gwahanol, a  rhoi hwb i ddemocratiaeth ym Mhrydain, a chymryd rheolaeth yn ôl tros ein materion ein hunain.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd