Mae Heddlu De Cymru wedi cyhuddo ail ddyn mewn cysylltiad â llofruddiaeth dynes 51 oed ym mhentref Tonna, ger Casnewydd.
Mae Keith Charles Thomas, 46, o Gastell-nedd wedi’i gyhuddo o lofruddio Andrea Lewis, 51 oed.
Fe fydd yn mynd gerbron Llys Ynadon Abertawe ddydd Llun.
Cafwyd hyd i gorff Andrea Lewis mewn eiddo yn Gnoll View, Tonna, ar 30 Ionawr.
Mae dyn 43 oed, Rhys Trevor Anthony Hobbs, eisoes wedi’i gyhuddo o’i llofruddio.
Mae’n cael ei gadw yn y ddalfa.
Dywedodd y Prif Arolygydd Rob Cronick: “Mae hyn yn ddatblygiad pellach yn yr ymchwiliad i lofruddiaeth drasig Andrea Lewis. Mae ein meddyliau, bob amser, gyda theulu Andrea yn ystod y cyfnod hwn.”
Maen nhw’n apelio ar unrhyw un sydd â gwybodaeth a allai helpu’r ymchwiliad i gysylltu â nhw ar 101 neu Taclo’r Taclau’n ddienw ar 0800 555 111, gan nodi’r cyfeirnod 1600033245.
