Plymar i fodelu dillad cwmni rhyngwladol

 


Plymar o Sir Gaerfyrddin sydd wedi dod i’r brig yng nghyfres deledu S4C, Ffasiwn Bildar, gan ennill £3,500 a chyfle i fodelu dillad cwmni Dickies.

Bydd Gavin Orson hefyd yn ymddangos ar flaen cylchgrawn adeiladu Professional Builder fel rhan o’i wobr.

Roedd Ffasiwn Bildar yn dilyn cystadleuaeth rhwng 14 o adeiladwyr, a’u gallu mewn tasgau megis adeiladu catwalk a cherdded arni, teilio ystafell ymolchi a modelu o flaen y camera.

Y cyn-blastrwr a’r model rhyngwladol, Dylan Garner, oedd yn cyflwyno’r gyfres ac yn cyd-feirniadu’r gystadleuaeth.

Partneriaeth rhwng S4C a Sony

Roedd Ffasiwn Bildar yn rhan o bartneriaeth rhwng S4C, Sony Pictures Television a chwmnïau cynhyrchu annibynnol yng Nghymru i ddatblygu fformatau rhaglenni adloniant newydd.

Y nod yw datblygu syniadau am gyfresi newydd i’w dangos ar S4C, ac yna’u cynnig i ddarlledwyr eraill ar y farchnad ryngwladol.

Bydd Gavin Orson, 26, yn gwario ei wobr ariannol ar ddechrau busnes plymio ond mae hefyd am barhau i fodelu, meddai.

“Dw i’n berson cystadleuol, ac wrth i mi fynd ymlaen yn y gyfres, ro’n i’n fwy penderfynol o ennill,” meddai.

“Mae arian y gystadleuaeth yn gymaint o gymorth i mi, ac yn golygu nad ydw i’n gorfod cymryd benthyciad allan o’r banc. Dw i’n edrych ymlaen at feithrin mwy o gwsmeriaid, a datblygu fy ngyrfa.”

Cystadleuaeth ‘adloniannol’

Yn ôl Elen Rhys, Comisiynydd Adloniant S4C, bu’r gystadleuaeth yn un “adloniannol a hwyliog” a “ffyrnig” ar brydiau.

“Rydym yn hynod o falch bod cwmnïau mor enwog â Dickies a Professional Builder wedi cyd-weithio â ni ar y rhaglen. Rydym yn hyderus y bydd Gavin yn wyneb delfrydol ar gyfer y diwydiant, ac i fildars yng Nghymru a Phrydain.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones