RSS

Golwg360

MwyCau 

Lansio ap newydd Geiriadur Prifysgol Cymru

Chwefror 24, 2016 09:05


Fe fydd ap newydd Geiriadur Prifysgol Cymru ar gyfer ffonau clyfar a thabledi’n cael ei lansio yn Aberystwyth ddydd Mercher.

Dyma’r datblygiad diweddaraf ers i’r geiriadur gael ei lansio ar y we ddwy flynedd yn ôl.

Cyhoeddodd Llywodraeth Cymru fis Ebrill y llynedd y byddai’r ap yn un o 10 o brosiectau a fyddai’n cael eu hariannu er mwyn hybu’r defnydd o’r Gymraeg drwy dechnoleg a chyfryngau digidol.

Ar yr ap fe fydd holl ddata Geiriadur Prifysgol Cymru, ac fe fydd modd lawrlwytho’r holl gynnwys fel nad oes angen cyswllt â’r we er mwyn ei ddarllen.

‘Adnodd cynhwysfawr’ 

Bydd yr ap hefyd yn cynnwys nifer o gemau geiriau, gan gynnwys anagram a geiriau cudd.

Cafodd fersiwn ar-lein o’r geiriadur ei gyhoeddi ar y we ym mis Mehefin 2014.

Mewn datganiad, dywedodd Prif Weinidog Cymru, Carwyn Jones ei fod yn gobeithio y byddai’r ap yn “adnodd cynhwysfawr, poblogaidd a hynod ddefnyddiol… mewn cyfrwng newydd ar gyfer cynulleidfa newydd”.

Bydd yr ap yn cael ei lansio yn Ysgol Gyfun Penweddig am 11 o’r gloch.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.