Mwy yn gwrando ar Radio Cymru

Diweddarwyd am  


Roedd mwy o bobol yn gwrando ar BBC Radio Cymru a BBC Radio Wales yn ystod tri mis olaf 2015 yn ôl ffigurau diweddaraf, Rajar.

108,000 o wrandawyr wythnosol oedd gan Radio Cymru yn nhri mis olaf y flwyddyn ddiwethaf, cynnydd o 4,000 ers i’r gynulleidfa fod ar ei lefel isaf erioed yn y chwarter blaenorol.

Gwelwyd cynnydd o 25,000 yn ffigurau Radio Wales, gyda’r orsaf yn llwyddo i ddenu 409,000 o wrandawyr bob wythnos.

Cwymp yng ngorsafoedd eraill

Bu cwymp ar y cyfan yn sector fasnachol radio yng Nghymru gyda gwrandawyr Capital Gogledd Cymru yn disgyn o 212,000 i 147,000 a chynulleidfa Capital De Cymru yn gostwng o 215,000 i 161,000.

Roedd gorsafoedd Radio Carmarthenshire wedi denu 8,000 yn llai o wrandawyr yn wythnosol, gyda 32,000 o bobol yn gwrando ar yr orsaf bob wythnos yn nhri mis olaf 2015.

Bu gostyngiad yng ngwrandawyr Radio Ceredigion hefyd, o 18,000 i 17,000 bob wythnos, a chwymp o 2,000 yn ffigurau Radio Pembrokeshire, gyda 36,000 bellach yn gwrando bob wythnos.

Cafodd Heart Gogledd Cymru gynnydd bach, gyda 10,000 ychwanegol yn gwrando, gan gynyddu’r cyfanswm wythnosol i 146,000.

Ar y llaw arall, gostwng bu nifer o wrandawyr Heart De Cymru, gyda 30,000 yn llai, gan gwympo i 522,000 o wrandawyr wythnosol.

Roedd gorsaf Swansea Sound wedi cwympo i 52,000 o wrandawyr yr wythnos, gan golli 18,000. Tra bod yr orsaf arall yn Abertawe, The Wave wedi elwa ar gynnydd bach gan gyrraedd 149,000 o wrandawyr bob wythnos.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd