Mae Heddlu De Cymru yn ymchwilio i farwolaeth heb eglurhad yn Abertawe.
Fe gafodd plismyn eu galw toc wedi 10yh nos Wener, oherwydd pryderon am ddyn yn ei 30au. Fe gafodd y dyn ei gludo i Ysbyty Treforys, ond bu farw’n fuan wedi cyrraedd yno.
Dydi’r heddlu ddim yn trin y farwolaeth fel un amheus.
Mae Heddlu De Cymru yn gofyn i unrhyw un sy’n gwybod unrhyw beth am y digwyddiadau a arweiniodd at y farwolaeth, i gysylltu â nhw.