ASau i ddod yn Weinidogion Cymru? – ‘Chwerthinllyd’

 


Yr Arglwydd Dafydd Elis-Thomas
Mae cyn-lywydd y Cynulliad Cenedlaethol wedi wfftio’r syniad y gallai Aelodau Seneddol Cymreig ddod yn Weinidogion i Lywodraeth Cymru.

Fe ddywedodd yr Arglwydd Dafydd Elis-Thomas wrth raglen y Post Cyntaf y bore yma fod “y peth yn chwerthinllyd” ac yn “dangos diffyg dealltwriaeth dybryd o gyfansoddiad Cymru.”

Daw ei sylwadau wedi i’r Asiantaeth Cyfrifwyr Siartredig Cymru a Lloegr ddweud fod angen mwy o aelodau yng nghabinet Llywodraeth Cymru i ddelio â’r gwaith cynyddol a ddaw yn sgil datganoli rhagor o bwerau, gan gynnwys pwerau trethu.

Ond, yn ôl Dafydd Elis-Thomas, “mae’r syniad yn gwbl wrth-ddemocrataidd.”

‘Chwerthinllyd’

Mae’r asiantaeth sy’n cynrychioli cyfrifwyr Cymru a Lloegr yn dadlau fod system debyg mewn grym eisoes yn San Steffan, lle gall Arglwyddi wasanaethu yng nghabinet Llywodraeth Prydain.

Ond, fe wnaeth yr Arglwydd Dafydd Elis-Thomas wfftio’r syniad gan ddweud:

“Mae awgrymu bod pobl heb eu hethol yn gallu bod yn Weinidogion Cymru – o bleidiau gwahanol – yn gwbl wrth-ddemocratiaidd.”

“Bysa’r bobl yma wedi’u hethol ar faniffesto arall, i senedd arall, ac wedyn troi fyny yn senedd Cymru a galw’u hunain yn Weinidogion. Mae’r peth yn chwerthinllyd.”

“Fedra’ i ddim deall fod y fath syniad yn codi yn natblygiad cyfansoddiadol Cymru,” ychwanegodd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed