AS yn gwahodd paffiwr i Dŷ’r Cyffredin wedi sylwadau sarhaus

Diweddarwyd am  


Mae Aelod Seneddol Llafur Cwm Rhondda, Chris Bryant wedi gwahodd pencampwr paffio pwysau trwm y byd, Tyson Fury i Dŷ’r Cyffredin am drafodaeth am ei sylwadau dadleuol am gyfunrywioldeb.

Dywed Chris Bryant na ddylai Tyson Fury fod wedi’i enwi ar restr fer y BBC ar gyfer Personoliaeth Chwaraeon y Flwyddyn yn sgil ei sylwadau am gyfunrywioldeb ac am sarhau’r athletwraig Jessica Ennis-Hill, sydd hefyd ar y rhestr fer.

Roedd Fury hefyd wedi cymharu cyfunrywioldeb ac erthylu plentyn gyda phedoffilia.

Dywedodd Fury mai “lle dynes yw’r gegin” ac fe wnaeth ensyniadau rhywiol am yr athletwraig o Sheffield.

Mae mwy na 63,000 o bobol wedi llofnodi deiseb ar-lein yn galw ar y BBC i dynnu ei enw oddi ar y rhestr fer.

Dywed y BBC nad ydyn nhw’n bwriadu tynnu ei enw oddi ar y rhestr fer er gwaetha’r ddeiseb.

Dywedodd Chris Bryant wrth raglen Murnaghan ar Sky News: “Yn rhannol, rwy’n jocian am fynd ben-ben ag e, ond eto rwy’n credu ei bod hi’n bosibl yn y byd gwleidyddol i newid meddyliau pobol.”

Ychwanegodd nad yw’n credu y dylai Fury gael aros ar y rhestr fer ar gyfer gwobr y BBC.

“Yn y pen draw, nid fy lle i yw dweud wrth y BBC beth i’w wneud gyda’u rhaglen, na Sky am hynny.”

“Fy ngwir broblem yw fod Tyson wedi cymharu cyfunrywioldeb gyda phedoffilia ac mewn gwirionedd, mae hynny’n hafaliad peryglus iawn i’w wneud gan ei fod yn meddwl nad ydyn ni’n cymryd camdrin plant o ddifri.”

Dywedodd Chris Bryant fod y rhan fwyaf o droseddau rhyw yn erbyn plant gan ddynion a menywod heterorywiol.

“Mae sarhad ofnadwy yn yr hyn ddywedodd e, ond nid y sarhad sy’n fy mhoeni ond y ffaith ei fod yn golygu nad ydyn ni’n cymryd camdrin plant o ddifri.”

Yn San Steffan ddydd Iau, dywedodd Chris Bryant fod Tyson Fury wedi dweud bod nifer o’i ffrindiau’n hoyw.

Ar raglen Murnaghan, dywedodd yr Aelod Seneddol nad yw Tyson Fury wedi ymateb i’w wahoddiad i gael sgwrs.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn