Selfies a Steddfod y Ffermwyr Ifanc

 


Fe fydd Aberystwyth yn fwrlwm o gystadlu ddydd Sadwrn wrth i gystadleuwyr o bob cwr o’r wlad heidio i’r dref ger y lli ar gyfer Eisteddfod Ffermwyr Ifanc Cymru.

Mae disgwyl cystadleuaeth frwd unwaith eto rhwng y gwahanol siroedd wrth iddyn nhw geisio dod i’r brig yn y canu, perfformio sgets, llefaru a’r holl weithgareddau eraill fydd ymlaen yn ystod y diwrnod.

Fe fydd cystadleuaeth y ddeuawd doniol hefyd yn un i gadw llygad arni wrth i’r enillwyr enwoca’ erioed wynebu ei gilydd.

Fe gododd Endaf Griffiths a Deian Thomas storm gyda chyhuddiadau bod eu deuwawd ‘Ping a Pong’ yn hiliol dair blynedd yn ôl – y tro yma fe fydd y naill a’r llall yn canu mewn deuawdau ond i siroedd gwahanol.

Her yr hunlun

Bydd Golwg360 yno drwy gydol y dydd hefyd yn dod a’r canlyniadau diweddaraf i chi o’r llwyfan ar ein cyfrif Twitter, yn ogystal â sgwrsio â rhai o’r cystadleuwyr a’r cymeriadau fydd yno.

Fe gewch chi gyfle i gymryd cip nôl wedyn ar holl ddigwyddiadau mawr y dydd yn ein pecyn uchafbwyntiau’r diwrnod canlynol, wrth i ni weld pwy fydd wedi cipio’r prif wobrau ac a fydd un o’r siroedd eraill wedi llwyddo i gipio coron Ceredigion eleni.

Yn ogystal â hynny, fe fyddwn ni’n rhedeg cystadleuaeth hunlun arbennig ar gyfer y rheiny ohonoch chi fydd yno, felly byddwch yn barod â’ch ffonau symudol.

Anfonwch eich selfies gorau i ni ar gyfrif Twitter @Golwg360 gan ddefnyddio’r hashnod #EisteddfodCFfI, ac fe gawn ni weld pa sir fydd ein sêr ni o flaen y camera erbyn diwedd y dydd!

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd