S4C- ymgynghorydd annibynnol yn ymchwilio i gŵyn

Diweddarwyd am  


DNA (Ffeil Gyhoeddus)
Fe gadarnhaodd S4C wrth gylchgrawn Golwg fod ymgynghorydd annibynnol yn ystyried cwynion am un o’i phrif gyfresi.

Fe gafodd y sianel gŵyn swyddogol ynghylch y gyfres DNA Cymru sy’n ailddechrau nos Sul.

Fe benderfynodd Pwyllgor Cwynion S4C benodi ymgynghorydd annibynnol i edrych ar bryderon.

Yn ôl y sianel, fe fydd y Pwyllgor yn ystyried ei adroddiad yn ystod yr wythnosau nesa’.

‘Camarwain’

Fe gafodd y gŵyn ei gwneud gan weithiwr llawrydd ym maes y cyfryngau newydd, Iwan Standley, a oedd yn honni bod y rhaglen yn camarwain pobol gyda gwybodaeth wyddonol.

Mae academyddion ym maes geneteg ym Mhrifysgol Llundain hefyd wedi condemnio’r gyfres a’r honiadau ynddi bod modd olrhain DNA unigolion enwog yn ôl i grwpiau a mannau penodol.

Un o brif gwynion y beirniaid yw fod pobol yn cael eu hannog i wario £160 neu £190 ar brawf DNA gyda chwmni masnachol preifat sy’n rhan o’r bartneriaeth y tu cefn i’r rhaglen.

Ond mae’r gwyddonydd Cymraeg, Deri Tomos, wedi dweud wrth Golwg nad yw’n credu bod y rhaglen yn camarwain.

Rhagor am ddwy ochr y ddadl yng nghylchgrawn Golwg yr wythnos hon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones