Nifer busnesau Cymru wedi cynyddu

Diweddarwyd  


Bu cynnydd o 11% yn y nifer o fusnesau yng Nghymru ers 2011, yn ôl adroddiad sy’n edrych ar entrepreneuriaeth ryngwladol.

A hithau’n ddechrau Wythnos Entrepreneuriaid y Byd, mae Llywodraeth Cymru’n defnyddio’r ffigurau heddiw i annog mwy o bobol ifanc i fentro i’r byd busnes.

Yn ôl yr Adroddiad Monitro Entrepreneuriaeth Ryngwladol yn 2014, roedd 231,110 o fusnesau yng Nghymru, o’i gymharu â 207,740 yn 2011.

Ac mae nifer y bobol sy’n cael eu cyflogi gan y busnesau hyn wedi cynyddu o 998,000 i 1,058,500 dros yr un cyfnod.

“Mae’r newydd da hwn yn ein cyrraedd ar ddechrau Wythnos Entrepreneuriaid y Byd sy’n dathlu llwyddiant entrepreneuriaid ac yn ceisio ysbrydoli eraill i ddilyn eu hesiampl,” meddai Gweinidog Economi Llywodraeth Cymru, Edwina Hart.

Ac mi ddywedodd hefyd fod y ffigurau hyn yn dangos “mor bwysig yw busnesau o ran creu swyddi, rhannu ffyniant a chyfrannu at economi Cymru.”

Roedd y ffigurau hefyd yn dangos bod 9,177 o fusnesau wedi cael eu creu drwy gymorth gan Fusnes Cymru, corff y llywodraeth i helpu busnesau a gafodd eu sefydlu yn 2013.

“Rydym yn parhau i fuddsoddi yng ngwasanaethau Busnes Cymru ac yn eu gwella i helpu busnesau ym mhob cam o’u datblygiad – o’u sefydlu i’r rheini sydd am weld eu busnesau’n tyfu,” meddai Edwina Hart.

58% o bobol ifanc am sefydlu busnes

Roedd Arolwg Omnibws Cymru 2015 yn dangos bod 58% o bobol dan 25 oed yng Nghymru bellach am sefydlu eu busnes eu hunain, ac mae hyn yn newyddion i’w groesawu yn ôl Edwina Hart.

“Mae gan Gymru ddiwylliant llewyrchus o entrepreneuriaid ifanc, ac mae cyfraddau gweithgarwch entrepreneuriaid yng Nghymru gyda’r uchaf ym Mhrydain,” meddai.

“Wrth i Wythnos Entrepreneuriaid y Byd ddechrau, byddwn i’n annog unrhyw un sydd ag uchelgais i ddechrau busnes neu unrhyw un sydd â syniad da a allai fod yn fan cychwyn i fusnes i gysylltu â Busnes Cymru i gael help i droi’r syniadau, breuddwydion a’r uchelgeisiau hynny’n realiti.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones