Rhybudd i glwb Cymraeg am annog gor-yfed

Diweddarwyd am  


Clwb Ifor Bach
Mae Clwb Ifor Bach yng Nghaerdydd wedi derbyn rhybudd gan reoleiddiwr hysbysebu am annog cwsmeriaid i feddwi.

Roedd neges ar dudalen Twitter y clwb yn dweud ‘Dewch i fynd yn hammered yn y Gymraeg. Ma’ bob aelod o staff bar ni’n siarad Cymraeg!”.

Cafodd yr hysbyseb ei osod ar dudalen Twitter y clwb yn ystod yr Awr Gymraeg, ac fe ddywedodd llefarydd ar ran y clwb mai’r nod oedd hysbysebu eu bod nhw’n cynnig gwasanaeth yn Gymraeg.

Derbyniodd yr Awdurdod Safonau Hysbysebu gŵyn fod yr hysbyseb yn anghyfrifol am ei fod yn annog cwsmeriaid i or-yfed.

Cytunodd y clwb y gallai neges yr hysbyseb fod wedi cael ei chamddehongli, ac y bydden nhw’n ofalus wrth hysbysebu yn y dyfodol.

Penderfynodd yr awdurdod fod yr hysbyseb yn torri rheolau’n ymwneud â hysbysebu alcohol, ac na ddylai’r hysbyseb ymddangos yn unman arall yn ei ffurf wreiddiol.

Cafodd y clwb rybudd i beidio annog gor-yfed yn y dyfodol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?