Mae dau ddyn 18 oed wedi’u cadw yn y ddalfa ar ôl cael eu cyhuddo o geisio llofruddio llanc 16 oed ym Mhontsenni.
Digwyddodd yr ymosodiad yn oriau mân fore Mercher.
Ymddangosodd y ddau gerbron ynadon Llandrindod ddydd Sadwrn.
Mae’r llanc 16 oed yn parhau mewn cyflwr difrifol yn yr ysbyty.
Mae dyn 18 oed a gafodd ei anafu yn yr ymosodiad wedi’i ryddhau o’r ysbyty.
Dylai unrhyw un â gwybodaeth gysylltu â’r heddlu ar 101.