‘Camdrin plant’ yng ngwaith “afiach” cystadleuaeth Eisteddfod

Diweddarwyd am  


Mae un o feirniaid cystadleuaeth Eisteddfodol ble cafodd darn o waith “afiach” ei gyflwyno wedi honni bod cynnwys y nofel yn ymwneud â chamdrin plant.

Yn ôl prif weithredwr yr Eisteddfod Genedlaethol, Elfed Roberts, roedd cynnwys un nofel gafodd ei hanfon ar gyfer Gwobr Goffa Daniel Owen mor “afiach” nes y bu rhaid gofyn i’r heddlu ymyrryd.

Mae un o feirniaid y gystadleuaeth, Dewi Prysor, bellach wedi dweud fod cynnwys y nofel yn “bedoffilaidd”.

“Nid nofel oedd hi, ond cyfres o ddisgrifiadau graffig o blant yn cael eu treisio. Fersiwn llenyddol o ddelweddau pedoffilaidd,” meddai Dewi Prysor mewn neges drydar dydd Sadwrn.

Gwaharddiad

Mae Heddlu Gogledd Cymru bellach yn ymchwilio i’r mater ar ôl i brif weithredwr y Brifwyl, Elfed Roberts, gyfeirio’r nofel atyn nhw gan godi pryderon y gallai natur y gwaith arwain at droseddu.

Cafodd y gwaith ei ddiarddel o’r gystadleuaeth am nad oedd y ffurflen ymgeisio wedi’i chwblhau yn iawn – ond nid cyn i’r beirniaid dderbyn copïau o’r nofel a dechrau ei darllen.

Yn ôl Y Cymro roedd o leiaf un o’r beirniaid – Dewi Prysor, Angharad Price a Robat Arwyn – wedi methu â darllen ond ychydig o dudalennau o’r gwaith, mor ffiaidd oedd ei chynnwys.

“Roedd o’n rhywbeth oedd yn pigo cydwybod ychydig bach,” meddai Elfed Roberts wrth esbonio i Golwg360 pam gafodd y mater ei gyfeirio at yr heddlu.

“Felly roeddwn i’n meddwl jyst rhag ofn i’r person yma geisio cario allan yr hyn yr oedd o neu hi’n awgrymu yn y gwaith, roeddwn i’n meddwl mai’r peth doethaf fyddai rhoi’r cyfan yn nwylo’r heddlu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones