‘Symudwch y mewnfudwyr i wersylloedd yn Affrica’

Diweddarwyd am  


David Davies
Mae Aelod Seneddol Ceidwadol Sir Fynwy wedi awgrymu y dylai’r mewnfudwyr sydd yn ceisio cyrraedd Prydain o Calais gael eu cludo i wersylloedd yn Affrica a’r Dwyrain Canol.

Dywedodd David Davies y dylai milwyr o Brydain hefyd gael eu hanfon i’r porthladd yn Ffrainc i geisio delio â’r argyfwng yno.

Yr wythnos hon mae cannoedd o fewnfudwyr sydd wedi bod yn llochesu mewn gwersylloedd dros dro yn Calais wedi ceisio ffoi ar draws y Sianel i Brydain.

Mae tagfeydd ar y ffyrdd yn arwain at y porthladd wedi golygu bod sawl un yn ceisio cyrraedd Prydain drwy neidio ar loriau, tra bod eraill wedi ceisio mynd ar drên yr Eurostar.

‘Rheoli ffiniau’

Ar raglen Today Radio 4, dywedodd AS Ceidwadol Sir Fynwy fod Prydain wedi “colli rheolaeth o’i ffiniau” a bod angen cymryd camau brys.

Awgrymodd y dylai’r llywodraeth, gyda chaniatâd y Ffrancwyr, anfon milwyr i Calais a symud pobl “yn ôl i Affrica neu’r Dwyrain Canol” ac i “wersylloedd dyngarol”.

Fe fyddai arian cymorth datblygu yn gallu cael ei ddefnyddio i adeiladu’r gwersylloedd hynny a bwydo’r rheiny oedd yno.

Ond fe ddywedodd yr AS hefyd bod angen lleihau budd-daliadau ym Mhrydain er mwyn annog y mewnfudwyr i beidio â cheisio dod i’r wlad.

“Mae hawl gennym ni i reoli’n ffiniau ein hunain a phenderfynu pwy sydd yn dod yma ac rydyn ni’n colli’r rheolaeth hynny,” meddai David Davies.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn