Heddlu Dyfed Powys oedd y llu heddlu gyda’r gyfradd isaf o droseddu ar draws Cymru a Lloegr y llynedd, mae ffigurau newydd yn dangos.
Roedd troseddau a gofnodwyd gan Heddlu Dyfed Powys ychydig o dan 38 i bob 1,000 o’r boblogaeth yn y 12 mis hyd at fis Mawrth 2015.
Roedd hyn yn llai na hanner y nifer ar gyfer yr Heddlu Metropolitan, wnaeth gofnodi’r gyfradd troseddu uchaf ar gyfer yr un cyfnod.
Fe wnaeth Heddlu Dyfed-Powys hefyd gofnodi’r nifer isaf o droseddau yn ymwneud a dwyn o siopau a lladrata, tra daeth yr Heddlu Metropolitan i’r brig ar gyfer y ddau.
Y gyfradd gyffredinol ar gyfer Cymru a Lloegr yn ystod y 12 mis hyd at fis Mawrth 2015 oedd 62.9 o droseddau am bob 1,000 o’r boblogaeth -gostyngiad o 66 ar y flwyddyn flaenorol, yn ôl y ffigyrau diweddaraf gan y Swyddfa Gartref.
Dyma’r ffigurau ar gyfer y pum llu heddlu gyda’r cyfraddau troseddau uchaf ac isaf
Uchaf
1. Heddlu Metropolitan 84.7
2. Cleveland 75.1
3. Manceinion 73.8
4. Humberside 72.0
5. Glannau Mersi 70.1
Isaf
1. Dyfed-Powys 37.6
2. Gogledd Swydd Efrog 43.0
3. Surrey 43.7
4. Wiltshire 46.1
5. Dyfnaint a Chernyw 47.5