RSS

Golwg360

MwyCau 

Sioe glybiau Bara Caws: tocynnau’n mynd fel slecs

Gorffennaf 10, 2015 15:22 Diweddarwyd am 15:25


Maldwyn John a Catrin Mara
Mae tocynnau yn gwerthu’n sydyn iawn o’r comedi No Wê yn ôl Cwmni Theatr Bara Caws.

Barry “Archie” Jones, sydd wedi ysgrifennu’r sioe glybiau ffraeth ac mae’r cast yn cynnwys Iwan Charles, Gwenno Elis Hodgkins, Maldwyn John a Catrin Mara.

Mae’r stori yn canolbwyntio ar yr ysbïwr ‘James Bondage 0069’ sydd angen teithio i ddinas Bangkok i daclo dyn drwg sydd eisiau dinistrio’r We.

“Mae’r tocynnau wedi bod yn gwerthu’n ffantastig,” meddai Linda Brown, gweinyddwraig Theatr Bara Caws.

“Roedd Neuadd Llanllyfni yn orlawn a Chlwb Rygbi Blaenau Ffestiniog yn llawn dop gyda phobl yn sefyll yn y cefn.

“Mae’r ymateb wedi bod yn wych, a heno a nos yfory mae’r sioe yn cael ei pherfformio yng Nghlwb Simdde Wen, Wylfa [ger Cemaes, Ynys Môn] ac mae bron iawn bob tocyn wedi ei werthu.

“Yr wsnos wedyn mae No Wê yng Nghaernarfon ac mae un  noson wedi gwerthu allan yn barod, felly mae’r noson glybiau yn mynd o nerth i nerth.”

Bydd y daith yn cyrraedd Porthmadog a Chaernarfon yr wythnos nesaf cyn dod i ben yn Neuadd Bentref Meifod adeg yr Eisteddfod Genedlaethol gyda pherfformiadau o Awst 4 i 7.

Am fwy o fanylion ffoniwch 01286 675869 neu 07880031302.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.