Ar ddiwedd diwrnod o gystadlu yn Ngregynog, Powys, mae pump o ddysgwyr wedi ennill lle ar restr fer cystadleuaeth Dysgwr y Flwyddyn yr Eisteddfod Genedlaethol eleni.
Y pump yw:
- Gari Bevan, Bedlinog
- Deiniol Carter, Caerdydd
- Debora Morgante, Rhufain
- Dianne Norrell, Sir Drefaldwyn
- Patrick Young, Llan Ffestiniog.
Fe fydd y rhain yn mynd i’r rownd derfynol ar Faes yr Eisteddfod ym Meifod, ddydd Mercher 5 Awst, a bydd canlyniad y gystadleuaeth yn cael ei gyhoeddi mewn seremoni arbennig y noson honno yng Ngwesty Llyn Efyrnwy, Llanwddyn.
Meddai Elen Elis, Trefnydd yr Eisteddfod, “Unwaith eto eleni, mae’r safon wedi bod yn eithriadol o uchel yn y gystadleuaeth ac mae’r cystadleuwyr a’r beirniaid wedi cael diwrnod ardderchog yng Ngregynog.
“Mae hanes rhai o’r cystadleuwyr a’u taith i ddysgu Cymraeg yn ysbrydoliaeth, ac mae pawb wedi bod mor frwdfrydig wrth sôn am fynd ati i ddysgu’r iaith. Gobeithio y bydd y pump yn y rownd derfynol yn ysbrydoli ac yn annog eraill i fynd ati i ddysgu Cymraeg.”