Pryder am swyddi oherwydd oedi dros gynlluniau safle glo brig

Diweddarwyd am  


Safle glo brig East Pit
Mae tua 60 o weithwyr o safle glo brig East Pit yng Nghwm Aman yn galw ar Gyngor Castell Nedd Port Talbot i ddiogelu eu swyddi, wrth i’r pwyllgor cynllunio drafod cais i adeiladu parc gwledig ar y safle.

Byddai’r cynlluniau yn gweld gwesty gydag 120 o stafelloedd, 78 o gabanau gwyliau, llyn, maes gwersylla, canolfan ddeifio a siop yn cael eu hadeiladu ar safle East Pit.

Ond mae Llywodraeth Cymru wedi dweud bod angen rhagor o amser i benderfynu os ddylai’r cais gael ei ystyried gan Weinidogion Cymru. Oherwydd hynny, ni all y cyngor gymeradwyo’r cynlluniau heddiw, ond fe allen nhw eu gwrthod.

Mae cwmni glo Celtic Energy wedi dweud bod angen penderfyniad yn fuan gan fod  70 o swyddi yn y fantol petai’r cynlluniau unai’n cael eu gwrthod neu eu galw mewn.

Byddai’r safle yn parhau i gynhyrchu glo am dair blynedd arall petai’r cynlluniau yn cael eu cymeradwyo.

‘Caledi aruthrol’

Mae Undeb Unite wedi dweud os nad yw’r cais presennol yn cael ei gymeradwyo, yna bydd y rhan fwyaf o’r 90 o bobl sy’n cael eu cyflogi yn y safle glo brig yn wynebu cael eu diswyddo o fewn mater o wythnosau.

Meddai’r undeb y byddai hynny yn “creu caledi aruthrol” i’r gweithwyr a’u teuluoedd ar amser pan dyw cyflogaeth arall yn yr ardal ddim yn bodoli ar yr un raddfa neu ar yr un cyfraddau tâl.

‘Effaith ar dai cyfagos’

Mae’r cais gan gwmni The Lakes at Rhosamman Ltd yn cynnwys 1,445 acer o dir ger Gwaun Cae Gurwen.

Dywedodd llefarydd ar ran Llywodraeth Cymru y bydd y penderfyniad ynghylch a ddylai’r cais gael ei gyfeirio at Weinidogion Cymru yn cael ei gyhoeddi maes o law.

Mae gwrthwynebwyr yn dweud y bydd effaith andwyol ar dai cyfagos os yw’r cloddio’n parhau, bod awydd lleol i’r tir gael ei ddychwelyd i’w gyflwr gwreiddiol, a bod safle’r lleoliad ar y ffin â pharc cenedlaethol yn lleoliad amhriodol ar gyfer parc gwyliau.

Ond mae cefnogwyr yn honni y gallai gweld y cloddio am lo yn parhau arbed 120 o swyddi ar y safle, yn ogystal â chyflenwi gwaith i gontractwyr lleol a’r 96 o gwmnïau sy’n cyflenwi East Pit.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd