Dathlu pen-blwydd Tafwyl dros ddeuddydd

 


Bydd Gwyl Tafwyl yn cael ei chynnal yng Nghastell Caerdydd
Mae trefnwyr Gŵyl Tafwyl yng Nghaerdydd, sy’n cael ei gynnal dros ddeuddydd am y tro cyntaf erioed eleni, wedi cyhoeddi’r artistiaid fydd yn perfformio yno.

Gyda chymorth gan Lywodraeth Cymru, fe fydd y 10fed ŵyl yn cael ei chynnal yn ei lleoliad arferol yng ngerddi Castell Caerdydd ar 4 a 5 Gorffennaf – a hynny yn rhad ac am ddim i’r cyhoedd.

Ar ddydd Sadwrn Ywain Gwynedd, Kizzy Crawford, Swnami a Gwenno fydd ymhlith y bandiau fydd i’w gweld ar y Prif Lwyfan, gyda Geraint Jarman, Candelas, HMS Morris a Cowbois Rhos Botwnnog yn perfformio ar y dydd Sul.

Meic Stevens, Gentle Good, Sorella a Gwyneth Glyn fydd rhai o’r artistiaid fydd yn ymddangos ar y llwyfan acwstig.

‘Bandiau Cymraeg gwych’

Dywedodd y DJ Radio 1 a llysgennad Tafwyl, Huw Stephens: “Nawr bod Tafwyl yn ddigwyddiad dau ddiwrnod yng Nghastell Caerdydd, mae’r ystod o fandiau sydd yn chwarae yn gryfach nag erioed.

“Mae bandiau Cymraeg gwych o bob rhan o’r wlad yn chwarae, o’r hen ffefrynnau i dalent newydd cyffrous.”

Menter Caerdydd sy’n cynnal yr ŵyl ac eto eleni bydd gŵyl ffrinj yn cael ei chynnal ar draws y ddinas fel rhan o Tafwyl, gyda digwyddiadau yn cychwyn ar ddydd Sadwrn 27 Mehefin.

Rhestr lawn o’r artistiaid fydd yn perfformio

Ywain Gwynedd / H a’r Band / Gwenno / Swnami / Kizzy Crawford / Plu / Meic Stevens / Huw M / The Gentle Good / Gwyneth Glyn / Geraint Jarman / Candelas / Cowbois Rhos Botwnnog / HMS Morris / Lowri Evans / Iwcs a Gaff / Palenco / Kookamunga.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd