Trigolion Wrecsam yn yfed mwy o de nag unrhyw le arall ym Mhrydain

 


Mae arolwg newydd wedi canfod mai trigolion mewn tref yng ngogledd Cymru sy’n yfed y mwyaf o baneidiau o de allan o holl wledydd Prydain.

Dangosodd ymchwil Tetley bod y rhan fwyaf o drigolion Wrecsam yn yfed te bob diwrnod o’r flwyddyn, boed glaw neu hindda.

Roedd un o bob pum person yn Newcastle a Wolverhampton yn yfed hyd at 12 paned o de y diwrnod ond gwelwyd bod pobol Llundain yn ffafrio te gwyrdd.

Cafodd 2,000 o bobol ledled Prydain eu holi ar gyfer yr arolwg ac mae’n dilyn adroddiad gan y Sefydliad Safonau Prydain wnaeth awgrymu bod y baned berffaith yn cael ei chreu drwy roi llefrith yn y gwpan yn gyntaf a gadael y bag te mewn dŵr am chwe munud.

Gwelwyd hefyd bod 70% o bobol yn Aberystwyth a gafodd eu holi yn cymryd o leiaf un llwyaid o siwgr yn eu te.

Dywedodd cyfarwyddwr marchnata Tetley, Amy Holdsworth: “Mae’n dangos bod te yn fwy na diod boeth yn unig, mae’n cynnal pobol ym Mhrydain.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd