RSS

Golwg360

MwyCau 

Mwy yn prynu llyfrau Cymraeg

Rhagfyr 23, 2014 15:36


Mae hunangofiant Rhys Meirion wedi bod yn boblogaidd iawn
Mae mwy o bobol wedi prynu llyfrau Cymraeg eleni yn ôl adroddiad blynyddol y Cyngor Llyfrau, a llyfrau print yn dal eu tir yn wyneb bygythiad gan yr e-lyfrau.

O’i gymharu â’r un cyfnod y llynedd, mae gwerthiant y cyngor 5% yn fwy. Roedd cyfnod Nadolig 2013 hefyd wedi gweld cynnydd o 2% o’i gymharu â mis Tachwedd a Rhagfyr y flwyddyn gynt.

Mae’n debyg mai hunangofiant Rhys Meirion fydd yn hosan Nadolig y mwyafrif o siaradwyr Cymraeg y Nadolig hwn, gan mai dyma’r llyfr sydd wedi gweld y mwyaf o alw dros y tri mis diwethaf.

Ymysg y llyfrau eraill sydd wedi gwerthu’n dda mae hunangofiant Eric Jones a Tommo yn ogystal â nofel Tudur Owen, Y Sw, a Llanw gan Manon Steffan Ross.

‘Darllenwyr hyn’

Wrth drafod y rhesymau pam fod llyfrau print yn parhau i apelio ar y gynulleidfa Gymraeg, dywedodd Prif Weithredwr y Cyngor Llyfrau, Elwyn Jones:

“Mae gwerthiant e-lyfrau Cymraeg yn eithaf ara’ deg. Mi ydan ni’n dal i gredu ei bod hi’n bwysig paratoi e-lyfrau a dwi’n siŵr y bydd gwerthiant yn datblygu dros gyfnod o amser.

“Ond ar hyn o bryd, does dim dwywaith, mae’r llyfrau print sydd ar y blaen.

“Mae hynny’n dweud cyfuniad o bethe’ – yn gyntaf demograffeg. Mae ganddom ni ddarllenwyr hŷn sydd yn ddarllenwyr mawr ymysg y Cymry Cymraeg.

“Wedyn, mae hunangofiannau, sydd mor boblogaidd, yn fwy apelgar mewn print am eu bod nhw’n cynnwys lluniau.

“Yn olaf, mae gan y Cymry ymlyniad gyda siopau llyfrau. Maen nhw fel rhyw ganolfannau iaith yn ein cymunedau ni ac mae pobol eisiau eu cefnogi nhw am eu bod yn sefydliadau mor bwysig.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.