Tri awdur yn lansio nofelau ar y cyd

 


Y tair nofel
Wrth i gyfnod y Nadolig agosáu, a phobl yn dechrau meddwl am anrhegion i lenwi’r hosan, mae tri awdur wedi penderfynu lansio’u nofelau ar y cyd.

Bydd Manon Steffan Ros, Jerry Hunter a Sion Hughes i gyd yn cyflwyno cyfrolau newydd mewn noson yn y Galeri, Caernarfon nos Wener.

Yn y lansiad fe fydd yr actores Ffion Dafis yn holi’r tri am eu nofelau, gyda’r actor Huw Garmon hefyd yno yn cynnal darlleniadau.

Nofel i oedolion yw Llanw gan Manon Steffan Ros, sydd yn dilyn o lwyddiant Blasu a gyrhaeddodd frig y categori ffuglen yng nghystadleuaeth Llyfr y Flwyddyn 2013.

Bydd cyhoeddi Y Fro Dywyll yn benllanw ar flwyddyn brysur i Jerry Hunter, yr Athro o Brifysgol Bangor a lansiodd y nofel anarferol Ebargofiant yn gynharach eleni.

Nofel gyntaf yr ymgynghorydd cyfreithiol Sion Hughes fydd Llythyrau yn y Llwch, a gafodd ganmoliaeth gan feirniaid Gwobr Goffa Daniel Owen eleni.

Union 30 mlynedd yn ôl, fel enillodd tad Sion Hughes, R. Cyril Hughes, y wobr honno am ei nofel hanesyddol Castell Cyfaddawd.

Mae’r nofelau’n cael eu cyhoeddi gan Y Lolfa.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones