‘Plant tlotaf y gymuned yn dioddef’

Diweddarwyd am  


Mae hi’n “gwbl annerbyniol” bod plant tlotaf yng Nghymru yn cael cam dybryd gan Lywodraeth Cymru, yn ôl yr Aelod Cynulliad Aled Roberts.

Daw ei sylw wedi i adroddiad ‘Cyflwr y genedl’ gan y Comisiwn Symudedd Cymdeithasol a Thlodi Plant, fu’n edrych ar dlodi ymysg plant ym Mhrydain, gael ei gyhoeddi heddiw.

Dangosodd yr adroddiad mai 26% o blant sy’n derbyn cinio am ddim yng Nghymru sy’n llwyddo i gael pum gradd TGAU da, o’i gymharu â 38% o blant o gefndiroedd tebyg yn Lloegr.

Yn ogystal, gwelwyd mai Cymru sydd a’r gyfradd uchaf ond un o dlodi plant ac mae’r nifer o blant sy’n byw mewn cartref “incwm isel” yn amrywio o 12.5% yn Sir Fynwy i 29.5% ym Mlaenau Gwent.

‘Methiant’

“Mae’r adroddiad yn adlewyrchu maint methiannau Llywodraeth Cymru ac yn pwysleisio unwaith eto mai ein cymunedau tlotaf sy’n dioddef fwyaf,” meddai Aled Roberts, AC y Democratiaid Rhyddfrydol.

“Mae disgyblion yng Nghymru yn tanberfformio o’i gymharu â Lloegr a dyw hynny ddim digon da.

“Dangosodd yr adroddiad nad yw plant tair oed mewn ardaloedd tlawd yn gwneud y cynnydd disgwyliedig – mae’n gwbl annerbyniol bod plentyn yn cael cam mor ifanc â hynny.”

“Tra bod bwriad rhaglen Dechrau’n Deg yn cael ei groesawu , mae’r adroddiad yma yn adleisio ein pryderon bod teuluoedd tlawd sydd ddim yn byw mewn ardaloedd difreintiedig yn cael bod yn rhan o’r cynllun.

“Mae’n hen bryd i’r Llywodraeth ystyried y methiant yma yn y cynllun.”

Ewrop

Ychwanegodd Mark Isherwood ar ran y Ceidwadwyr Cymreig fod yr adroddiad yn adlewyrchu’r “realiti i gymunedau difreintiedig Cymru”:

“Dylai bob plentyn gael yr un mynediad i addysg ond, o dan Lywodraeth Cymru, mae tlodi yn rhwystro hyn,” meddai.

“Mae Cymru yn parhau i fod yn un o ardaloedd tlotaf Ewrop ac mae’r adroddiad yma yn dangos yr effaith mae methiannau Llywodraeth Cymru yn ei gael ar blant.

“Mae’n rhaid i weinidogion ddechrau mynd i’r afael a’r sefyllfa a chreu mwy o swyddi yn ardaloedd mwyaf difreintiedig Cymru.”

Mae golwg360 wedi cysylltu â Llywodraeth Cymru am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd