Arolwg o goed dinasoedd Cymru

Diweddarwyd am  


Mae arolwg sy’n dangos faint o goed sydd yn nhrefi a dinasoedd Cymru, ble maen nhw a ble maen nhw’n diflannu yn cael ei ryddhau heddiw.

Mae’r arolwg – y cyntaf o’i fath drwy’r byd- wedi ei gomisiynu gan Cyfoeth Naturiol Cymru (CNC) ac yn cael ei lansio mewn cyfarfod yn Wrecsam.

Yn 2009, 17% o dir trefol Cymru oedd wedi ei orchuddio gan goed – gyda’r ffigwr yn amrywio o 6% yn unig yn Y Rhyl i 30% yn Nhreharris.

Yn ddiweddarach, dangosodd yr astudiaeth fod gorchudd coed wedi dirywio mewn chwarter o drefi Cymru rhwng 2006 a 2009 – gyda mwy nag 11,000 o goed mawr wedi’u colli’n gyfan gwbl.

Ansawdd bywyd

Meddai Dafydd Fryer o Cyfoeth Naturiol Cymru:

“Mae coed yn hollbwysig i fywyd, gan gynnig gwasanaethau naturiol i wella ansawdd bywydau pobol mewn trefi a dinasoedd.

“Maen nhw’n cynnig gwasanaeth hollbwysig i gymunedau trwy gael gwared â llygredd o’r aer, trwy leihau perygl llifogydd a thrwy wrthbwyso allyriadau carbon deuocsid wrth eu sugno o’r atmosffer.

“Os gallwn reoli a chynllunio ble a pha rywogaethau o goed a blannwn yn ein trefi a’n dinasoedd, a gwarchod y coed sydd gennym yn barod, yn ôl yr astudiaeth gall y coed yma helpu i wneud ein cymunedau’n gynaliadwy.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones