RSS

Golwg360

MwyCau 

Adroddiadau y gall Tinopolis gael ei werthu

Awst 28, 2014 11:45 Diweddarwyd am 11:46


Fe all cwmni teledu annibynnol Tinopolis gael ei werthu, yn ôl adroddiadau ym mhapur newydd y Guardian.

Mae’r cwmni o Lanelli wedi cynnal trafodaethau gyda MSC Capital a chwmni teledu o Ganada, Entertainment One, sydd wedi ei restru ar y Farchnad Stoc yn Llundain, meddai Media Guardian.

Y gred yw bod Tinopolis yn gwneud elw o £25 miliwn o elw, a gyda phris gwerthiant tua 10 gwaith hynny, fe all y cwmni fod yn werth tua £250 miliwn.

Tinopolis sydd y tu ôl i raglenni fel Question Time ar y BBC a Big Fat Gypsy Weddings ar Channel 4 ac mae’n un o’r cwmnïau annibynnol mwyaf sy’n darparu gwasanaethau i ddarlledwyr.

Disgrifiwyd gwerthiant cwmnïau annibynnol yn y diwydiant creadigol fel “gold rush” gan Brif Weithredwr Channel 4, David Abraham yn ddiweddar.

Y ddealltwriaeth yw bod MSC Capital wedi gwneud cynnig am y cwmni’r llynedd ond ei fod wedi ei wrthod.

Sefydlwyd Tinopolis yn 1990 ac mae ganddyn nhw ganolfannau cynhyrchu hefyd yng Nghaerdydd, Llundain a Glasgow.

Mae Golwg360 wedi gofyn i Tinopolis am ymateb.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.