Prosiect rap ar y Maes

 


Mr Phormula ar y deciau
Glywsoch chi’r un yna am y digrifwr, y bîtbocsiwr a’r bardd yn cerdded o gwmpas Faes yr Eisteddfod?

Mae’n siŵr ddim – ond nid jôc fydd prosiect rap arbennig sydd yn dod â’r digrifwr Daniel Glyn, y beatbosciwr Ed Holden a Bardd Plant Cymru Aneurin Karadog ar ei gilydd yn Eisteddfod Genedlaethol Sir Gâr eleni.

Ar ddydd Iau’r ŵyl, 5 Awst, fe fydd y triawd yn crwydro’r meysydd carafanau a phebyll, a’r Maes ei hun, yn gofyn i bawb o bob oedran eu barn am sut fath o wlad hoffent fyw ynddi yn 2050.

Fel rhan o’r prosiect ‘Y Gymru a Garem’ fe fyddan nhw’n casglu barn am bob agwedd o Gymru, o’r hinsawdd i’r economi, o’r iaith i ddiwylliant y wlad.

Unwaith bydd y tri wedi casglu barn yr Eisteddfodwyr fe fyddan nhw’n mynd ati i greu cerdd gan ddefnyddio’r atebion a gasglwyd, cyn anfon Ed Holden, neu Mr Phormula, i greu trac sain unigryw i’r prosiect a rapio’r gerdd.

Bydd y trac yn cael ei lansio ar raglen C2 Huw Stephens y noson honno yn ogystal â chael ei darlledu’n fyw o Faes B, ac fe fydd hefyd ar gael i’w lawrlwytho yn rhad ac am ddim.

Gwthio diwylliant ymlaen

“Un o’r rhesymau fod yr Eisteddfod yn rhan mor bwysig o dreftadaeth Cymru yw oherwydd ei bod bob amser wedi gwthio diwylliant Cymru ymlaen, ond ar yr un pryd yn parchu traddodiadau’r gorffennol,” meddai Peter Davies, Comisiynydd Dyfodol Cynaliadwy Cymru.

“Mae’r prosiect hwn yn enghraifft wych o hyn, gan ei fod yn plethu llawer o wahanol arddulliau a mathau o gelfyddyd, ond mewn ffordd gynhenid ​​Gymreig. Ac wrth gwrs, yn ffordd wych o gael dysgu sut fath o wlad hoffai bobl Cymru.

“Bydd eich geiriau yn bwydo’r prosiect hwn, a hefyd y Sgwrs Genedlaethol, felly pan fyddwch yn gweld Ed, Daniel ac Aneurin, peidiwch â bod yn swil!”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones