Cwmwl dros Ras yr Wyddfa

Diweddarwyd am  


Mae pryder ymysg trefnwyr a chystadleuwyr Ras yr Wyddfa na fydd y digwyddiad yn mynd yn ei flaen yfory oherwydd y rhagolygon tywydd gwael.

Mae disgwyl i dros 600 o redwyr o Gymru, Yr Eidal, Sbaen, Malta, America a Japan heidio i Lanberis ar gyfer y ras fyd-enwog sy’n ymlwybro o Lyn Padarn i gopa mynydd uchaf Cymru.

“Mae hi’n braf yn Llanberis rŵan ond mae rhagolygon y tywydd ‘fory yn ofnadwy, hefo cenllysg, mellt a tharanau,” meddai’r trefnydd Stephen Edwards.

“Mae pobol yn fy ffonio i o hyd i weld os ydy’r ras dal ymlaen”.

Mae gan bwyllgor y ras yr hawl i gwtogi maint y cwrs 10 milltir os yw’r tywydd yn debygol o roi’r rhedwyr mewn peryg. Ar hyn o bryd, mae disgwyl i’r ras gychwyn o Lanberis am ddau o’r gloch bnawn fory.

Cyfraniad

Wrth sôn am y gwaith trefnu sydd ynghlwm â digwyddiad mor uchel ei broffil a Ras yr Wyddfa, dywedodd  Stephen Edwards:

“Mae’r ras yn tyfu bob blwyddyn a gan mai gwirfoddolwyr ydan ni, a’n bod ni’n dal i weithio’n llawn amser, mi fasa hi’n dda iawn cael mwy o help.

“Fel mae gobeithion a disgwyliadau pobol yn mynd yn fwy rydw i fel trefydd wedi trio gwneud pethau’n well gyda mwy o stondinau a digwyddiadau i’r cyhoedd. Yn 2009, dim ond ras oedd hi, ond mae’r digwyddiad yn fwy o garnifal erbyn hyn.

“Mi fysen ni’n gwerthfawrogi cael pobol leol yn dod allan i’n helpu ni. Y mwyaf o help sydd ganddom ni, y gorau.”

Ychwanegodd fod y ras yn hwb mawr i’r ardal leol:

“Mae’n ddiwrnod arbennig i’r pentref. Rydym ni’n tynnu pobol i mewn ac yn helpu i roi Llanberis ar y map unwaith eto.”

Teyrnged

Cyn cychwyn y ras, mae’r trefnwyr yn bwriadu rhoi teyrnged i gyn-brif warden Parc Cenedlaethol Eryri, John Ellis Roberts, fu farw ddoe mewn damwain wrth iddo ddringo yn Ninas Cromlech ar Fwlch Llanberis.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones