Tro pedol ar fynediad i afonydd Cymru

 



Mae pysgotwyr a mudiadau cefn gwlad wedi croesawu penderfyniad Llywodraeth Cymru i roi cynlluniau i ganiatáu gweithgareddau hamdden ar unrhyw un o afonydd a llynnoedd Cymru o’r neilltu.

Cyhoeddodd y Gweinidog Diwylliant, John Griffiths, y llynedd y byddai’r Llywodraeth yn ystyried creu deddf a fyddai’n caniatáu unrhyw un i ganŵio lle bynnag a phryd bynnag eu bod yn mynnu.

Fe wnaeth hyn arwain at lansio Ymgyrch Mynediad Cynaliadwy Cymru (SACC) a oedd yn gwrthwynebu rhoi mynediad cyhoeddus i dir a dyfroedd.

Yn dilyn yr ymgyrchu, fe gyhoeddodd y Llywodraeth y bydd gweithgareddau hamdden yn parhau i ddigwydd o fewn misoedd penodedig o’r flwyddyn lle mae lefel y dŵr yn ddigon uchel.

Mae’r SACC rŵan yn galw ar sefydliadau canŵio i gefnogi’r penderfyniad ac i roi’r gorau i ddosbarth gwybodaeth anghywir i’r cyhoedd, sy’n achosi pobol i ganŵio yn anghyfreithlon yng Nghymru.

Hen hanes o ffraeo

Yn 2010 roedd Llywodraeth Cymru eisiau annog mwy o gytundebau gwirfoddol rhwng tirfeddianwyr a phobol fel canŵ-wyr sydd eisio mynediad at lynnoedd ac afonydd.

Roedd hyn yn dilyn ymgyrch gan Canŵ Cymru oedd am i’r gwleidyddion edrych yn fwy manwl ar ddeddfwriaeth hawl mynediad.

Bu anghydfod rhwng pysgotwyr a chanŵ-wyr, gyda’r pysgotwyr yn dadlau mai nhw sydd wedi talu trwydded am yr hawliau pysgota, a’r canŵ-wyr yn mynnu eu bod yn talu eu trethi ac felly’n haeddu mynediad di-rwystr yn rhad ac am ddim.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd