Llywelyn ein Llyw Olaf yn arwr ffilm?

 


Matthew Rhys yn yr Eisteddfod y llynedd
Dywed yr actor Matthew Rhys mai ei freuddwyd yw actio Llywelyn ein Llyw Olaf mewn ffilm debyg i Braveheart ar gyfer y sgrin fawr.

Llywelyn oedd tywysog olaf Cymru cyn iddo gael ei ladd yng Nghilmeri yn 1282 a arweiniodd at y goncwest gan y Sais Edward I.

Arwain rhyfel yn erbyn Edward I a wnaeth William Wallace hefyd, a gafodd ei actio gan Mel Gibson yn y ffilm enwog Braveheart.

“Mae hanes Llywelyn, tywysog go iawn olaf Cymru, yn stori debyg iawn i Braveheart,” meddai Matthew Rhys, sy’n gobeithio ceisio annog ffilm o’r fath ymhen ychydig flynyddoedd.

“Er mwyn osgoi bod yn ‘Braveheart Cymreig’, mae angen ychydig flynyddoedd yn rhagor am gynulleidfa newydd,” meddai. “Roedd Braveheart bron 18 mlynedd yn ôl, felly dw i’n meddwl y gallai fod gennych gynulleidfa’n barod amdani mewn ychydig flynyddoedd.”

Mae’r actor 38 oed wedi dychwelyd o’i gartref yn Los Angeles yn ddiweddar i weithio ar gyfres ddrama newydd y BBC sy’n cael ei ffilmio yn Sir Efrog. Ef sy’n chwarae rhan Mr Darcy yn y ddrama sy’n seiliedig ar Pride and Prejudice, Death Comes to Pemberley.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd