Hogia’r Wyddfa yn dathlu 50 yn yr Eisteddfod

 


Fe fydd Noson Lawen arbennig I ddathlu 50fed pen-blwydd Hogia’r Wyddfa yn un o’r cyngherddau yn yr Eisteddfod Genedlaethol Sir Ddinbych a’r Cyffiniau eleni.

Mae tocynnau i gyngherddau’r Eisteddfod wedi mynd ar werth heddiw a bydd  Hogia’r Wyddfa yn cael cwmni llawer o wynebau cyfarwydd i’r Noson Lawen ar y nos Lun, gan gynwwys John Ogwen, Trebor Edwards, Tara Bethan, Wil Tân a Dilwyn Morgan.

Fe fydd noson arall yn dathlu gwaith y cyfansoddwr lleol, Robat Arwyn, gyda’r tenor Rhys Meirion, Côr Rhuthun, a chôr arbennig o ferched oedran uwchradd y dalgylch yn perfformio yn y cyngerdd agoriadol.

‘Nosweithiau agos atoch’

Meddai Hywel Wyn Edwards ar drothwy’i Eisteddfod olaf fel Trefnydd, “Dw i’n ffyddiog y bydd y rhaglen gyngherddau eleni’n apelio at nifer fawr o bobol.

“Mae digonedd o adloniant o bob math drwy gydol yr wythnos, a’r gobaith yw y bydd y rhaglen yn apelio at y gynulleidfa yn nalgylch yr Eisteddfod yn ogystal â thrwy Gymru.

“Mae’r rhain yn nosweithiau agos atoch, sy’n gyfle i arddangos nifer fawr o ddoniau, gydag amryw ohonynt wedi cychwyn ar eu gyrfa yn dilyn llwyddiant ar lwyfan y Pafiliwn.”

Gweddill y cyngherddau

  • Nos Sadwrn 3 Awst bydd Côr yr Eisteddod yn perfformio’r Meseia gan Handel gyda Nicholas Kraemer yn arwain Cerddorfa Genedlaethol Gymreig y BBC.
  • Yn y noson, fe fydd y soprano, Elin Manahan Thomas, yn canu am y tro cyntaf yn yr Eisteddfod. Bydd Gary Griffiths sy’n cynrychioli Cymru yng nghystadleuaeth Canwr y Byd eleni, Gwyn Hughes Jones a Leah-Marian Jones yn hefyd yn unawdwyr.
  • Y Gymanfa Ganu draddodiadol fydd ar nos Sul gyda Beryl Lloyd Roberts yn arwain.
  • Ar y nos  Fawrth bydd noson i fwynhau talent rhai wnaeth ddechrau ar eu gyrfa yn yr Eisteddfod gan gynnyws Gwawr Edwards ac Elgan Llŷr Thomas.
  • Fe fydd y cyngherddau yn dod i ben gyda Bryn Fon a’r Band ar y nos Iau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd