CyI yn galw am gyfarfod brys i drafod safonau iaith

 


Leighton Andrews
Mae Cymdeithas yr Iaith wedi cyhoeddi eu bod nhw wedi gofyn am gyfarfod brys gyda’r Gweinidog sy’n gyfrifol am y Gymraeg, Leighton Andrews.

Maen nhw wedi gofyn am y cyfarfod gyda’r Gweinidog er mwyn trafod penderfyniad Llywodraeth Cymru i wrthod y safonau iaith gafodd eu hargymell gan Gomisiynydd y Gymraeg, Meri Huws.

Dywedodd Sian Howys, llefarydd hawliau Cymdeithas yr Iaith, bod angen i’r safonau wireddu’r hawl moesol sydd gan bobl i fyw yn Gymraeg ym mhob agwedd o fywyd.

Ychwanegodd bod y problemau diweddar gyda’r safonau yn deillio o’r diffyg ym Mesur y Gymraeg i gynnwys hawl cyffredinol i wasanaethau Cymraeg.

‘Comisiynydd yn bencampwraig’
Mae Sian Howys hefyd wedi dweud bod gan y Comisiynydd rôl bwysig fel “pencampwraig dros sicrhau hawliau i’r Gymraeg ac ni ddylid ar unrhyw gyfrif tanseilio ei gwaith.”

“Rydyn ni wedi ein siomi gan benderfyniad Leighton Andrews, mae’n debyg ei fod wedi ildio i bwysau gan gwmnïau a sefydliadau mawrion,” ychwanegodd.

“Mae rhaid i’n ffocws fod ar benderfyniad y Gweinidog a’i ddal yn atebol. Ein blaenoriaeth ni fel mudiad yw sicrhau bod pobl Cymru yn cael y safonau iaith gorau, oherwydd y bydd hynny yn golygu rhagor o swyddi cyfrwng Cymraeg a gwell gwasanaethau yn yr iaith.

“Mae gan y safonau rôl i’w chwarae wrth sicrhau twf yn y Gymraeg dros y blynyddoedd i ddod – rhywbeth y gwnaethon ni bwysleisio yn ein cyfarfod gyda’r Prif Weinidog hefyd.”

Llythyr at y Gweinidog

Yn ei llythyr at Leighton Andrews, dywedodd Sian Howys: “Rydym am drafod sut y gallwn gael pawb i gydweithio ar ffyrdd o gyflwyno’r safonau iaith mewn ffordd bositif.  Mae pobol Cymru am fyw yn Gymraeg – gwelwyd hyn yn yr ymateb gwych a gafwyd i’n ralïau diweddar.

“Ac eto mae cwmnïau mawrion, rhai ohonynt sy’n hapus i weithredu’n ddwy neu dair-ieithog mewn gwledydd eraill, yn ei chael yn anodd cydnabod bodolaeth y Gymraeg. Rôl ein Llywodraeth yw hyrwyddo pob agwedd o fywyd ein gwlad.  Byddai’n dda felly, petai’n Llywodraeth, sy’n gweithredu ewyllys y bobol wedi’r cyfan, yn barod i barchu dymuniad y bobol.

“Er mwyn gwneud hyn mae angen gweithredu beiddgar a hyderus ar ran ein Llywodraeth. A dymuniad Cymdeithas yr Iaith yw chwarae rhan adeiladol yn y broses gan sicrhau hawl pobl Cymru i fyw yn Gymraeg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer