RSS

Golwg360

MwyCau 

£1.5m i ddatblygu allforion cig o Gymru

Hydref 9, 2017 14:03 Diweddarwyd am 20:12


Mae’r corff sy’n gyfrifol am farchnata cig o Gymru wedi cael hwb ychwanegol o £1.5m gan Lywodraeth Cymru i ddatblygu cysylltiadau allforio.

Daw cyhoeddiad Lesley Griffiths, Ysgrifennydd y Cabinet dros yr Amgylchedd a Materion Gwledig, wrth i Hybu Cig Cymru (HCC) gynnal arddangosfa yn sioe fasnach fwyd Anuga yn ninas Cologne yn yr Almaen.

Mae’r arian wedi’i ddyrannu dros gyfnod o dair blynedd yn rhan o raglen datblygu allforion fydd yn dechrau ym mis Ebrill 2018.

Ac mae Prif Weithredwr y corff, Gwyn Howells, wedi croesawu’r newyddion “yng ngoleuni’r ansicrwydd a ddaw yn sgil y Refferendwm [ar adael yr Undeb Ewropeaidd].”

‘Elfen allweddol’

“Serch amwyster Brexit, gwelwn dwf yn y fasnach dramor am gig coch Cymru a bydd y Rhaglen Datblygu Allforion Uwch yn bwrw iddi ac yn helpu’r sector i ymbaratoi ar gyfer y dyfodol,” meddai Gwyn Howells.

“Mae HCC, ar y cyd â’n proseswyr mawr a Llywodraeth Cymru, wedi llwyddo i gynyddu masnach yn Ewrop. Rhaid sicrhau llwyddiant cig coch Cymru a pheidio â’i roi yn y fantol.

“Bydd y cyllid hwn yn elfen allweddol wrth sicrhau hirhoedledd y sector yn y marchnadoedd allforio,” ychwanegodd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.