RSS

Golwg360

MwyCau 

CLIP SAIN: Hel at elusen…drwy werthu jam

Medi 25, 2017 11:12


Gwenda Richards (Llun: Henaduriaeth Arfon)
Mae dynes o Gaernarfon yn creu mwy na 200 o botiau o jamiau bob blwyddyn – ac yn rhoi’r arian at elusen.

“Yn ddiweddar dw i wedi bod yn casglu at ysbyty yn yr India ac apêl Eglwys Bresbyteraidd Cymru, ‘Corwynt cariad’,” meddai Gwenda Richards sy’n weinidog ar naw o gapeli ym Mro Lleu yng Ngwynedd.

Mae Gwenda Richards hefyd yn gweld gwerth mewn traddodiadau a chystadlaethau sioeau bach.

“Mae’r sioeau’n gyfle i bobol gymdeithasu a dod i adnabod ei gilydd,” meddai gan esbonio iddi gystadlu am y tro cyntaf ddwy flynedd yn ôl yn sioe Dyffryn Nantlle.

‘Prysur newid’

Yn ôl Gwenda Richards, mae cymunedau gwledig yn “prysur newid” wrth “golli’r hen, a’r ifanc yn symud i ffwrdd”.

Yr un yw’r stori gyda’r capeli, meddai, gan esbonio ei bod yn gweld “dirywiad gyda nifer o’r capeli bach yn wynebu cau sydd yn biti mawr.”

“Ond wrth ddod at ei gilydd mae’n bosib cryfhau ambell i ardal ac arbed ar adnoddau.”

Ac wrth grwydro’r ardaloedd gwledig a’r sioeau bach, dywed Gwenda Richards ei bod yn dod o hyd i ambell i ‘gymeriad’.

Jamio

Esbonia Gwenda Richards ei bod yn cael boddhad o hel y ffrwythau yr adeg hon o’r flwyddyn a chreu jamiau mwyar, eirin, mafon, mefus, riwbob a gwsberis.

“Mae ffrwythau eleni bythefnos o flaen eu hamser arferol, a dw i wedi sylwi ar lai o gynnyrch gardd mewn ambell i sioe leol, efallai oherwydd y tywydd,” meddai.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.