‘Problem gynyddol’ cŵn yn ymosod ar anifeiliaid fferm

 


Mae Undeb Amaethwyr Cymru wedi dweud bod cŵn sy’n ymosod ar dda byw yn broblem gynyddol yng nghefn gwlad Cymru.

Fe aeth cynrychiolaeth o’r mudiad i Lundain i siarad â grŵp o Aelodau Seneddol o bob plaid ar les anifeiliaid er mwyn canfod y ffordd orau o daclo’r broblem.

Yn ôl yr undeb ffermwyr, mae angen cael gwell ymwybyddiaeth ymhlith y cyhoedd a chadw cofnod canolog o nifer yr ymosodiadau.

Galwodd y mudiad hefyd am reoliadau a mesurau gorfodi llymach ar bobol sy’n gadael eu cŵn yn rhydd mewn mannau gwledig, os yw eu hanifail yn ymosod ar anifail fferm.

Colli ‘degau o filoedd o bunnoedd’

“Yn anffodus, ac er gwaethaf buddsoddiad sylweddol yn y diwydiant, nid yw’r cyhoedd yn llwyr ymwybodol o allu eu cŵn i ymosod, anafu neu ladd da byw,” meddai Elwyn Probert, is gadeirydd Pwyllgor Da Byw Undeb Amaethwyr Cymru.

“Hefyd, ar hyn o bryd nid oes cofnod canolog o ymosodiadau cŵn ar dda byw, sy’n golygu bod yr union effaith yn parhau i fod yn anhysbys ac mae’n debyg nid yw llawer o achosion yn gweld golau dydd.”

Mae Undeb Amaethwyr Cymru yn dweud bod ffermwyr yn gallu colli degau o filoedd o bunnoedd os byddan nhw’n colli stoc byw o ganlyniad i’r ymosodiadau hyn, gyda rhai ffermwyr hyd yn oed yn wynebu colli eu busnes.

“Mae colledion busnes yn cynnwys colli stoc, cynhyrchu’n lleihau oherwydd straen, erthyliadau a cholli arian yn stoc y dyfodol. Gall y costau hyn fod yn sylweddol ar y cyd a chostau yswiriant, biliau milfeddygol a gwaredu carcasau.

Dywed yr undeb eu bod yn annog pobol i gadw eu cŵn ar dennyn wrth ymyl da byw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd