Mari Lovgreen i gadeirio cyfarfod ‘Merched mewn Amaeth’

Diweddarwyd  


Mari Lovgreen (Llun: CCA 3.0)
Mae cynhadledd arbennig yn cael ei chynnal ym Mhortmeirion heddiw i “ysgogi a chefnogi” merched sy’n gweithio yn y byd amaeth yng Nghymru.

Fe fydd y fforwm, sydd wedi’i drefnu gan Cyswllt Ffermio, yn cael ei gadeirio gan y gyflwynwraig Mari Lovgreen sy’n wreiddiol o Gaernarfon ond bellach yn byw ar fferm yn Llanerfyl gyda’i gŵr â’u dau o blant, Betsan ac Iwan.

Mae’n cyfaddef mai “prin” yw ei gwybodaeth o’r byd ffermio ond mae’n gobeithio am “gydraddoldeb” i’w phlant o ran eu cyfleoedd nhw ym myd amaeth.

“Rŵan fy mod i’n fam i Betsan ac Iwan, dw i’n gobeithio bydd y cyfleoedd o’u blaenau nhw yn gydradd pan mae’n dod i ffermio,” meddai.

“Mae pethau wedi symud ymlaen gymaint heddiw o ran cydraddoldeb, a dw i’n edrych ymlaen at fod yn rhan o ddigwyddiad sy’n rhoi sylw haeddiannol i gyfraniad merched i fyd amaeth, ac efallai dysgu rhywbeth yn y broses.”

Datblygu busnesau teuluol

 

Yn rhan o’r digwyddiad fe fydd cyflwyniad gan Fflur Sheppard, Cyfarwyddwr Cyswllt gyda chwmni Beattie Communications, ac un sydd wedi’i magu ar fferm yn Sir Gaerfyrddin.

Fe fydd trafodaeth am sut i ddatblygu busnesau teuluol ynghyd â sut i ddiogelu busnesau rhag ymosodiadau seibr ar y we.

Mae’r cyfarfod yn cael ei gynnal ym Mhortmeirion heddiw, gydag ail ddigwyddiad yng Nghastell Aberteifi ddydd Iau (Medi 29).

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd