RSS

Golwg360

MwyCau 

Ffermwr ar y ffin: “Ochr Lloegr yn achosi oedi gyda thaliadau”

Gorffennaf 28, 2017 07:18 Diweddarwyd am 06:49


Asiantaeth yn Lloegr sydd yn gyfrifol am achosi oedi yn y broses o dalu ffermwyr sydd â thir bob ochr i Glawdd Offa, yn ôl ffermwr o’r Drenewydd.

Yn ôl Basil Probert, sy’n byw yn Sarn ond sydd â thir yng Nghymru a Lloegr, mae methiannau’r Asiantaeth Daliadau Gwledig (RPA) yn atal Taliadau Gwledig Cymru (RPW) rhag medru talu ffermwyr yr ochr yma i’r ffin.

“Dw i’n credu bod system yr Asiantaeth Dalu Cymreig yn well na’r un Seisnig,” meddai Basil Probert wrth golwg360.

“Mae’n rhaid i ni lenwi ffurflen [bapur] am ein tir Seisnig a’i danfon i Loegr. Mae’r ffurflen Gymreig yn cael ei danfon ar y cyfrifiadur. Maen nhw’n rhoi gwybod ‘rydyn ni’n barod i’ch talu chi nawr’.

“Ond pan dw i’n gofyn am y taliad, yr ateb dw i’n ei dderbyn ydi, ‘Rydyn ni’n aros am ddata gan Loegr’.

“Mae yna oedi oherwydd nad ydi Lloegr yn fodlon danfon y wybodaeth i Gymru. A dydyn nhw ddim wedi edrych ar y ffurflen yn Lloegr eto. Dydych chi ddim yn cael arian nes bod Lloegr yn danfon gwybodaeth i Gymru… ac yna mae Cymru yn talu.”

Yn ôl Basil Probert, doedd dim un ffermwr â thir yng Nghymru a Lloegr wedi derbyn taliad ar amser ym mis Rhagfyr y llynedd.

Ymateb

Yn ôl yr RPA, mae eu Prif Weithredwr, Paul Caldwell, yn derbyn bod yna ‘rai trafferthion’, ond mae’n addo bod y corff yn cyflwyno gwelliannau.

Mae Paul Caldwell yn nodi bod trafodaethau bellach yn cael eu cynnal gydag asiantaethau taliadau yn gynharach, ac mae’r sustem yn cael ei ddiwygio i hwyluso’r broses o drosglwyddo data.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.