Cyhuddo Michael Gove o fygwth bywoliaeth ffermwyr

Diweddarwyd  


Ben Lake, Plaid Cymru Ceredigion (Llun: o gyfrif Twitter Ben Lake)
Mae Plaid Cymru’n cyhuddo’r Gweinidog dros yr Amgylchedd, Michael Gove, o beryglu bywoliaeth cynhyrchwyr bwyd yng Nghymru a ledled Prydain.

Mewn araith ddoe, dywedodd y Gweinidog na fyddai taliadau amaethyddol yn cael eu gwarantu yn y dyfodol, ac y bydd yn rhaid i ffermwyr gytuno i ddiogelu’r amgylchedd i dderbyn taliadau ar ôl 2022.

Gan na wnaeth gadarnhau manylion na meini prawf polisi o’r fath, dywed Plaid Cymru fod ansicrwydd o’r fath yn ergyd i’r diwydiant amaethyddol.

Wrth ymateb i’r araith, dywedodd llefarydd amaethyddiaeth Plaid Cymru, Ben Lake AS:

“Mae’n ffaith bod ansicrwydd ar gyfer unrhyw fusnes yn wenwynig yn economaidd – a dylai Llywodraeth Prydain wybod yn well na gwneud datganiadau amwys pan nad oes ganddynt gynllun.

“Yr unig beth mae’r datganiad yn ei wneud yw codi bwganod a niweidio hyder y sector.

“Mae ffermwyr yng Nghymru yn dibynnu ar daliadau sydd yn cyfri am 80% o’u hincwm.

“Nid budd-daliad mo’r gefnogaeth ariannol yma ond cefnogaeth i sicrhau parhad diogelwch bwyd ac iechyd ein heconomi.  Mae’n golygu ein bod ni’n gallu parhau i fwynhau’r cynnyrch amaethyddol gorau.

“Mae’n rhaid diogelu taliadau ffermwyr ac mae Plaid Cymru yn mynnu eu bod yn cadw pob ceiniog.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd