Rhybuddio cerddwyr Eryri i beidio â hudo ebolion oddi wrth eu mamau

 


Mae elusen anifeiliaid yr RSPCA yn rhybuddio pobol i beidio ag annog ebolion a cheffylau gwyllt i’w dilyn wrth iddyn nhw gerdded llwybrau cyhoeddus Eryri.

Daw’r rhybudd wedi i ebol gael ei achub ar ôl dilyn aelodau o’r cyhoedd am ryw bedair milltir i lawr un o’r mynyddoedd yn ardal Eryri.

Fe gafodd RSPCA Cymru eu galw ar Orffennaf 1 i achub yr ebol oedd wedi dilyn y cyhoedd o ardal cronfa ddŵr Coedty ger Tal-y-bont yng Nghonwy.

Mae’r Carneddau yn enwog am eu brîd arbennig o ferlod gwyllt sy’n crwydro’r mynyddoedd.

Crwydro’n rhy bell wrth ei fam

Mae’n debyg i’r ebol ddilyn teulu am bedair milltir cyn cael ei gario ar ôl iddo ddisgyn i’r ddaear, ac roedd e wedi crwydro’n rhy bell erbyn hynny i ddychwelyd at ei fam.

“Yn anffodus, er bod rhywrai wedi ceisio gwneud y peth gorau, rydyn ni’n galw ar bobol i beidio ag arwain ebolion fel hyn oddi wrth eu mamau,” meddai Fiona Jones, milfeddyg o Lanelwy a gafodd y gwaith o achub yr ebol.

“Mae’n bwysig nad yw pobol sy’n cerdded ger ceffylau yn denu ebolion i ffwrdd, yn ddiofal neu beidio – ac os ydyw’n digwydd eu bod yn gwneud ymdrech i’w dychwelyd cyn gynted â phosib. Petai hyn wedi digwydd yn yr achos hwn, byddai’r ebol dal gyda’i fam,” meddai wedyn.

Ychwanegodd Gareth Johnson, swyddog ceffylau RSPCA Cymru fod yr ebol yn “gwneud yn dda” ac yn cael ei fwydo gan laeth o botel yn un o ganolfannau achub yr elusen.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd