RSS

Golwg360

MwyCau 

Galw am daclo troseddu gwledig

Mai 19, 2017 08:19


Gyrru gwyllt - un o'r troseddau gwledig (llun parth cyhoeddus)
Mae angen rhagor o arian i heddluoedd gwledig a chosbau trymach i droseddwyr cefn gwlad, meddai undeb ffermio.

Cyn yr Etholiad Cyffredinol, mae NFU Cymru’n galw am ymrwymiad gan bob plaid i fynd i’r afael o ddifri’ â throseddau cefn gwlad.

Maen nhw’n honni bod eu haelodau’n gweld cynnydd mewn troseddau fel dwyn cerbydau ac anifeiliaid, tresmasu a gyrru cerbydau tros dir garw a thaflu sbwriel yn anghyfreithlon.

Yn 2016, fe ddywedodd y cwmni yswiriant NFU Mutual fod troseddau gwledig yn costio £2 filiwn yng Nghymru.

Taro ffermwyr

“Mae troseddu mewn ardaloedd gwledig yn effeithio mwy ar y gymuned ffermio nag ar bobol eraill,” meddai Cadeirydd Bwrdd Materion Gwledig yr undeb, Hedd Pugh, ar ôl cyfarfod o’r Bwrdd ddoe.

“Mae’n costio amser ac arian i ffermwyr a hefyd yn fygythiad i iechyd pobl ac anifeiliaid, i fywyd gwyllt a’r amgylchedd.”

Maen nhw’n galw am newid yn y drefn ariannol er mwyn rhoi mwy o adnoddau i heddluoedd mewn ardaloedd gwledig, er mwyn cydnabod y problemau arbennig.

Maen nhw hefyd eisiau cosbau trymach er mwyn “atal” y troseddau.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.