RSS

Golwg360

MwyCau 

Ystrydebau gwledig yn gamarweiniol yn ôl adroddiad

Mawrth 18, 2017 08:50


Mae’r ystrydeb fod pobol sy’n byw yng nghefn gwlad yn gyfoethog a bod ganddyn nhw safon iechyd uwch na phobol mewn ardaloedd eraill yn anghywir, yn ôl adroddiad newydd.

Yn ôl adroddiad y Gymdeithas Llywodraeth Leol, mae pobol sydd yn byw mewn ardaloedd gwledig yn wynebu rhwystrau difrifol i iechyd da a bywydau cymdeithasol.

Dywed yr adroddiad  bod “gwir galedi” yn bodoli mewn ardaloedd arfordirol, cymunedau ôl-ddiwydiannol a threfi ar lan y môr.

Tlodi

Mae’n debyg bod 15% o deuluoedd yng nghefn gwlad yn byw mewn tlodi pan gaiff costau tai eu hystyried, ac mae teuluoedd yng nghefn gwlad yn fwy tebygol o wynebu tlodi tanwydd na’r rheiny mewn ardaloedd trefol.

Mae gwasanaethau trafnidiaeth gyhoeddus o safon is yng nghefn gwlad, meddai’r adroddiad, ac mae diffyg argaeledd y rhyngrwyd band eang a rhwydweithiau ffonau symudol hefyd yn cyfrannu at y “bwlch rhwng llefydd gwledig a dinesig.”

O ran darpariaeth gwasanaeth iechyd, mae 20% o bobol yng nghefn gwlad yn byw dros ddwy filltir a hanner i ffwrdd o feddygfa, ac mae 45% yn byw dros bum milltir i ffwrdd o ysbyty.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.