Buddsoddiad £6m i bysgodfeydd Cymru ac Iwerddon

Diweddarwyd am  


Bydd tua £4.7 miliwn o’r arian yn cefnogi prosiect dan arweiniad Prifysgol Bangor, a fydd yn ymchwilio i effaith newid yn yr hinsawdd ar gynaliadwyedd pysgod a physgod cregyn (Llun: Wikipedia)
Bydd dros £6 miliwn o arian yr Undeb Ewropeaidd yn cael ei fuddsoddi mewn prosiectau gwarchod bywyd morol a’r diwydiant pysgodfeydd yng Nghymru ac Iwerddon.

Nod y buddsoddiad yw cefnogi ymchwil newid hinsawdd ym Môr Iwerddon, datblygiad technoleg er mwyn lleihau costau ynni ac i helpu busnesau i ddatblygu cynnyrch.

Bydd tua £4.7 miliwn o’r arian yn cefnogi prosiect gwyddor môr Bluefish dan arweiniad Prifysgol Bangor, a fydd yn ymchwilio i effaith newid yn yr hinsawdd ar gynaliadwyedd pysgod a physgod cregyn.

Hefyd bydd £1.5 miliwn yn cael ei roi gan yr UE tuag at brosiect piSCES, sydd yn helpu i leihau costau ynni ar gyfer y diwydiant pysgodfeydd yng Nghymru ac Iwerddon trwy rwydwaith drydan grid newydd.

Rhaglen Cydweithredu

Mae’r ddau brosiect yn cael eu hariannu drwy raglen gydweithredu Iwerddon-Cymru yr UE, sydd yn helpu i gryfhau cysylltiadau economaidd a chydweithio rhwng y ddwy wlad.

“Mae’r prosiectau hyn yn cyfuno arbenigedd o’r ddwy wlad i gefnogi diwydiant yng Nghymru ac Iwerddon sy’n rhannu’r un cyfleoedd, yr un heriau a’r un adnodd ym Môr Iwerddon,” dywedodd Ysgrifennydd Cyllid Llywodraeth Cymru, Mark Drakeford.

“Mae cynlluniau cydweithredol fel hyn yn dangos yn glir pa mor fanteisiol yw sicrhau bod Cymru’n parhau i gael mynediad at raglenni cydweithio tiriogaethol, gan gynnwys rhaglen Iwerddon-Cymru, pan fydd y Deyrnas Unedig yn ymadael â’r Undeb Ewropeaidd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd