Cosb ychwanegol am brofion TB hwyr

 


Fe fydd ffermwyr yn cael cosb am fod yn hwyr yn profi gwartheg am TB, meddai Alun Davies, y Gweinidog Cyfoeth Naturiol a Bwyd.

Fel rhan o’r rhaglen i ddileu TB, bydd yn ofynnol i’r rhai sy’n cadw gwartheg yng Nghymru gynnal profion ar eu gwartheg bob 12 mis.

Mae’r Gweinidog wedi cyflwyno cosb o 1% o’r Taliadau Amaethyddol Cyffredin (TAC) ar ffermwyr sydd rhwng un a thrideg diwrnod yn hwyr â’u profion TB.

Mae’r gosb hon yn ychwanegol at y gosb o 3% o’r TAC sydd eisoes yn cael ei roi i ffermwyr sydd rhwng 3 a 12 mis yn hwyr yn cynnal eu profion TB. Bydd y gosb yn cynyddu i 5% o’u taliad os ydyn nhw dros 12 mis yn hwyr.

‘Angen cynnal profion rheolaidd’

Dywedodd Alun Davies: “Rydym wedi ymrwymo i gael gwared ar TB mewn gwartheg o Gymru, ac elfen bwysig o’n rhaglen ddileu ni yw cynnal profion rheolaidd er mwyn dod o hyd i’r clefyd yn gyflym.

“Mae mwyafrif llethol ffermwyr Cymru’n yn cynnal eu profion mewn da bryd – ond mae’r lleiafrif bach sydd ddim yn cydymffurfio yn tanseilio ein rhaglen ddileu TB ac yn cynyddu’r risg o achosion. Dyna pam rydw i wedi cyflwyno’r gosb ychwanegol hon ar gyfer pob prawf TB hwyr ar ôl 1 Ionawr 2014.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd