Brains am chwarae miwsig iaith Gymraeg yn eu tafarndai

Diweddarwyd  

Los Blancos

Llun: PYST

Mi fydd tros 100 o dafarndai a bwytai’r bragdy Brains yn chwarae miwsig iaith Gymraeg yn ystod Dydd Miwsig Cymru dydd Gwener nesaf (Chwefror 8).

Caneuon yr albwm amlgyfrannog AM18 – sy’n cynnwys rhai o ganeuon gorau 2018 ac yn cael ei chyhoeddi ar yr un diwrnod – fydd yn cael eu chwarae.

Felly bydd cyfle i glywed 18 o artistiaid Cymraeg gwahanol mewn lleoliadau annisgwyl.

Bydd caneuon Mellt, HMS Morris a Los Blancos ymysg y rhai i’w chwarae.

“Rydym wedi adeiladu perthynas positif iawn gyda Brains – maen nhw wedi ymrwymo i chwarae cerddoriaeth Gymraeg yno,” esboniodd Ffion Rees sy’n rhan o dîm Dydd Miwsig Cymru.

“Maen nhw eisiau eu henw ynghlwm â’r ymgyrch. Mi fyddan nhw wedi cael y playlist AM18 – a nhw fydd yn cael dewis pa rhai yn union fydd yn cael eu chwarae.”

Bydd un o gigs Dydd Miwsig Cymru yn y City Arms – un o dafarndai Brains ar Stryd Womanby yng Nghaerdydd.

Hefyd yn rhan o Ddydd Miwsig Cymru bydd gigs am ddim yn cael eu cynnal ledled Cymru gan gynnwys Caerdydd, Aberystwyth, Caernarfon, Caerfyrddin, Wrecsam, Bangor a Llanrwst.

Artistiaid a chaneuon AM18

Serol Serol – K’TA

Mellt – Rebel

Candelas – Gan Bo Fi’n Gallu

Pendevig – Lliw Gwyn

Accu – Am Ser

Los Blancos – Datgysylltu

Gwilym – Cwin

Iwan Huws – Pan fydda ni’n symud

Adwaith – Fel i Fod

Geraint Jarman – Addewidion

Alys Williams – Dim Ond

Rhys Gwynfor – Canolfan Arddio

Mr – Y Pwysau

HMS Morris – Corff

Pasta Hull – Jam Heb Siwgwr

Breichiau Hir – Portread O Ddyn Yn Bwyta Ei Hun

Alffa – Gwenwyn

Ani Glass – Peirianwaith Perffaith

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019