Michael Jackson ar frig rhestr y meirwon cyfoethocaf

 

Michael Jackson, a fu farw yn 2009

Llun: celebrityabc, CC SA 2.0 trwy Commons Wikimedia

Mae’r diweddar ganwr, Michael Jackson, ymhlith y meirw sydd wedi ennill y mwyaf o arian yn ystod y flwyddyn ddiwethaf, gan sicrhau elw o £313m.

Dyma’r chweched blynedd yn olynol i’r Brenin Pop, a fu farw yn 2009 yn hanner cant, i gyrraedd brig y rhestr yng nghylchgrawn Forbes o’r meirw cyfoethocaf.

Mae’r ffigwr diweddaraf yn golygu bod Michael Jackson wedi gwneud elw o £1.8bn yn y naw mlynedd ers ei farwolaeth.

Mae’n debyg mai’r prif ffactorau dros y cynnydd eleni yw gwerthiant ei gyfran yn y cwmni, EMI Music Publishing; y rhaglen deledu, Michael Jackson’s Hallowen, a chytundeb record newydd gyda Sony.

Meirw eraill

Yn ail i Michael Jackson ar y rhestr yw’r Brenin Roc a Rôl, Elvis Presley, a fu farw yn 1977 yn 42 oed.

Mae’r canwr enwog wedi llwyddo i godi £31m dros y flwyddyn ddiwethaf trwy gyfrwng gwerthiant cerddoriaeth ac ymweliadau â’i hen gartref yn Graceland.

Ymhlith y meirw cyfoethog eraill mae’r golffiwr Arnold Palmer, sy’n drydydd gyda £27m; y cartwnydd, Charles Chulz, sy’n bedwerydd gyda £26m, a’r canwr Bob Marley, a fu farw yn 1981, sydd yn y bumed safle gyda £18m.

Yr awdur Dr Seuss sy’n chweched gyda £12m, tra bo sylfaenydd Playboy, Hugh Hefner, a fu farw y llynedd yn 91, yn seithfed gyda £11.7m.

Mae’r actores Marilyn Monroe, a fu farw yn 1962 yn 56 oed, yn yr wythfed safle gydag elw o £11m.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed