RSS

Golwg360

MwyCau 

Cwmni cymharu prisiau i greu ‘70 o swyddi yng Nghymru’

Awst 29, 2017 08:12 Diweddarwyd am 16:56


Llun: Llywodraeth Cymru
Mae cwmni cymharu prisiau yn bwriadu buddsoddi £2 filiwn i ddatblygu platform newydd ar-lein gan arwain at 70 o swyddi newydd gyda chymorth Llywodraeth Cymru.

Ers ei sefydlu yn 2009 mae’r cwmni sydd â’i bencadlys ym Mae Caerdydd wedi bod gyda’r cyntaf i gymharu prisiau yswiriant iechyd ar-lein.

Dair blynedd yn ôl, fe gefnogodd Llywodraeth Cymru’r cwmni drwy ddarparu £600,000 o gyllid busnes i greu 74 o swyddi ym Mae Caerdydd.

Mae disgwyl y bydd eu cefnogaeth bellach yn creu 70 o swyddi newydd gan arwain at gyfanswm o 190 o bobol yn gweithio yno.

‘Partner hirdymor’

 

Mae ActiveQuote yn rhan o glwstwr o gwmnïau technolegol (FinTech) sy’n tyfu gyflymaf yng ngwledydd Prydain.

Eglurodd Ken Skates, Ysgrifennydd yr Economi, fod y cwmni yn “bartner hirdymor” i dri o gwmnïau FinTech amlycaf y Deyrnas Unedig sydd â’u pencadlys yng Nghymru sef – GoCompare, Confused.com a MoneySupermarket.

“Mae gan Gymru enw da sy’n datblygu erbyn hyn fel lleoliad perffaith ar gyfer y sector FinTech, ac ar lefel Ewropeaidd, mae Cymru yn amlwg iawn ac yn cael ei chydnabod fel enghraifft o dechnoleg safle ar y we i agregwyr ariannol,” meddai Ken Skates.

Ychwanegodd Rob Saunders, Rheolwr-gyfarwyddwr y cwmni, fod hwn yn “gyfnod cyffrous iawn ym maes FinTech, ac mae ActiveQuote yn anelu at fod ar y blaen gyda’r datblygiadau hyn.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.